ინგლისის ასოციაციის თასის მეოთხედფინალში ერთმანეთს ჟოზე მოურინიოს ახლანდელი და ყოფილი გუნდები შეხვდებიან. ეს ინფორმაცია დღეს, 20 თებერვალს გახდა ცნობილი.

მანჩესტერ იუნაიტედმა თასის მერვედფინალში ბლეკბერნი მინიმალური სხვაობით(1:2) დაამარცხა და მეოთხედფინალში გავიდა. მატჩის შემდგომი პრესკონფერენციის დროს, იუნიატედის მთავარმა მწვრთნელმა ყოფილ გუნდთან დაპირისპირებაზე ისაუბრა.

"ჩელსი ფაქტობრივად უკვე პრემიერლიგის ჩემპიონია და რთული წარმოსადგენია, ეს მოცემულობა შეიცვალოს. სწორედ ამიტომ, მათ შეუძლიათ ინგლისის თასზე კონცენტრირდნენ. სამწუხაროდ, ჩვენ ამის ფუფუნება არ გაგვაჩნია", - აღნიშნა ჟოზე მოურინიომ

შეგახსენებთ, რომ მიმდინარე სეზონში მანჩესტერული გუნდი ევროპის ლიგაზე ასპარეზობს, ხოლო ლონდონური კლუბი მხოლოდ ინგლისის ჩემპიონატებს სჯერდება.