უმრავლესობის დეპუტატი, გიორგი კახიანის თქმით, ის ვერ ხედავს ვინმე ისეთ დეპუტატს, რომელმაც შეიძლება კიდევ დატოვოს უმრავლესობის რიგები.

"ბუნებრივია, რომ ვთქვა, რომ ეს ჩემთვის არაფერს ნიშნავს-მეთქი, არასწორი იქნება, არ ვიქნები ბოლომდე გულწრფელი. ნებისმიერი წევრის დატოვება გუნდისთვის არ არის სასიამოვნო ფაქტი, მაგრამ რაც შეეხება იმას, ამით შეიძლება თუ არა უმრავლესობას რაიმე საფრთხე შეექმნას, მე ასეთ საფრთხეს ვერ ვხედავ. 76 წევრი სჭირდება უმრავლესობის არსებობას და მე ვერ ვხედავ ვინმეს ისეთს, ვინც შეიძლება კიდევ დატოვოს უმრავლესობის რიგები", — განაცხადა კახიანმა.

ქართული ოცნების ექვსმა დეპუტატმა პარტია დატოვა და ყოფილ პრემიერმინისტრს, გიორგი გახარიას "პარტიის მშენებლობის ახალ ეტაპზე" უერთდებიან. ესენი არიან:

  1. გიორგი ხოჯევანიშვილი;
  2. მიხეილ დაუშვილი;
  3. ანა ბუჩუკური
  4. ალექსანდრე მოწერელია;
  5. ბექა ლილუაშვილი;
  6. შალვა კერესელიძე

ისინი ამბობენ, რომ იზიარებენ ქართული ოცნებების წარმატებებსა და წარუმატებლობებს, ამავე დროს კი, გრძნობენ პასუხისმგებლობას შეცდომებზეც და სწორედ ამ პასუხისმგებლობის გრძნობით დგამენ ამ ნაბიჯს.