საქართველოს პარლამენტის თავმჯდომარე, არჩილ თალაკვაძე დიდი ბრიტანეთის სამეფო ოჯახს და ბრიტანელ ხალხს პრინცი ფილიპის გარდაცვალების გამო უსამძიმრებს.

"მსურს, ღრმა მწუხარება გამოვხატო და მივუსამძიმრო მის უდიდებულესობა დედოფალს და სამეფო ოჯახს, პრინცი ფილიპის, ედინბურგის ჰერცოგის გარდაცვალების გამო. მისი ერთგულება ხალხისა და ქვეყნისადმი ყოველთვის გვემახსოვრება", — წერს არჩილ თალაკვაძე.

დღეს, 9 აპრილს ედინბურგის ჰერცოგი და დიდი ბრიტანეთის დედოფლის, ელიზაბეტ II უინძორის ქმარი, პრინცი ფილიპი 99 წლის ასაკში გარდაიცვალა. ამის შესახებ ინფორმაციას ბუკინგემის სასახლემ გაავრცელა.