ამერიკულ-ქართული განათლების ცენტრის ორგანიზებით და გერმანულ Jacobs University-თან, Toulouse Business School-ის ბარსელონის კამპუსსა და ფრანგულ Université Catholique de l'Ouest (UCO)-თან თანამშრომლობით 2021 წლის 24 აპრილს, 12:00-დან 17:00 საათამდე გაიმართება განათლების საერთაშორისო ვირტუალური გამოფენა, რომელიც უმასპინძლებს 28 უნივერსიტეტს 14 ქვეყნიდან. ყველა დაინტერესებულ პირს გამოფენაზე შეეძლება მიიღოს ამომწურავი ინფორმაცია უნივერსიტეტისა და მისი პროგრამების შესახებ. მათ შეეძლებათ პირადად დაუკავშირდნენ უნივერსიტეტის წარმომადგენლებს და დაუსვან მათთვის საინტერესო კითხვები.

მონაწილეები ასევე მიიღებენ შანსს მოიგონ College Counseling-ის სრული მომსახურება უფასოდ, 50%-იანი და 20%-იანი ფასდაკლებით.

განათლების ვირტუალური გამოფენაში მონაწილეობის მისაღებად საჭიროა გაიაროთ რეგისტრაცია შემდეგ ბმულზე: leafonlinefair.com

ფოტო: leaf.ge

სეინტ ლუისის უნივერსიტეტის მადრიდის კამპუსი (Saint Louis University - Madrid Campus) დაარსდა 1968 წელს. სასწავლებელი იმავე სახელწოდების ერთ-ერთი ყველაზე ძველი და პრესტიჟული, ამერიკული უნივერსიტეტის წარმომადგენლობაა ესპანეთში.

უნივერსიტეტში 900-ზე მეტი სტუდენტი სწავლობს მსოფლიოს 50-ზე მეტი ქვეყნიდან. ბაკალავრის საფეხურზე უნივერსიტეტი სთავაზობს 15 აკრედიტირებულ პროგრამას - ხელოვნების ისტორია, კომუნიკაცია, კომპიუტერული მეცნიერებები, ეკონომიკა, საერთაშორისო ბიზნესი, მარკეტინგი, პოლიტიკური მეცნიერებები და სხვა. მაგისტრატურის საფეხურზე კი - 2 მიმართულებას: პოლიტიკური მეცნიერებები და ესპანური ენა. სწავლება მიმდინარეობს ინგლისურ ენაზე გარდა ესპანური ენის საბაკალავრო და სამაგისტრო პროგრამებისა.

სხვადასხვა პროგრამის ფარგლებში სტუდენტებს შეუძლიათ აირჩიონ მათთვის სასურველი საგანი 200-ზე მეტი კურსიდან. მათ აქვთ შესაძლებლობა ისწავლონ საზღვარგარეთ ერთი სემესტრის ან მთლიანი აკადემიური წლის განმავლობაში. ასევე შეუძლიათ სწავლა დაიწყონ მადრიდში და გააგრძელონ უნივერსიტეტის ამერიკის კამპუსზე, სადაც 50-ზე მეტი სასწავლო მიმართულებაა ბაკალავრის საფეხურზე.

სწავლის საფასური წელიწადში 20,000 ევროს ფარგლებშია და განისაზღვრება სტუდენტის მიერ არჩეული პროგრამის მიხედვით. უნივერსიტეტი სთავაზობს სხვადასხვა რაოდენობის დაფინანსებას, რომელიც დამოკიდებულია აკადემიურ მოსწრებასა და ფინანსურ საჭიროებაზე.

თქვენ გაქვთ შესაძლებლობა პირადად შეხვდეთ სეინტ ლუისის უნივერსიტეტის მადრიდის კამპუსის წარმომადგენელს განათლების საერთაშორისო ვირტუალურ გამოფენაზე 24 აპრილს, 12 საათიდან 17 საათამდე. შემოგვიერთდით: https://leafonlinefair.com/