Android 12 აპლიკაციებს უნივერსალური ძებნის საშუალებას მისცემს

ანდროიდი გუგლის ოპერაციული სისტემაა და გასაკვირი არ არის, რომ მასში ძებნას მნიშვნელოვანი ადგილი უჭირავს. თუმცა სისტემის ერთ-ერთი საინტერესო ფუნქცია — ძებნა ერთდროულად ინტერნეტსა და თქვენსავე აპლიკაციებს შორის — მხოლოდ გუგლის ლანჩერისა და ვიჯეტისთვის იყო ხელმისაწვდომი.

როგორც Android 12-ის დოკუმენტაციიდან ვიგებთ, შესაძლოა ეს ფუნქცია სხვა ლანჩერებსა და აპლიკაციებშიც ვიხილოთ.

უკეთ რომ მივხვდეთ, როდესაც რაიმეს მოსაძებნად Pixel Launcher-ს ან უბრალოდ გუგლის ვიჯეტს ვიყენებთ, შედეგებში აუცილებლად შევხვდებით ჩვენს აპლიკაციებსაც.

ამ ფუნქციას სხვა ლანჩერები, მაგალითად Nova Launcher ვერ იყენებს. განახლება Niagara Launcher-ის დეველოპერებმა შეამჩნიეს და ტვიტერზე დაწერეს.

I stumbled upon this in Android 12's preview documentation. Android 12 might allow all launchers to integrate a universal search like spotlight🔍 pic.twitter.com/gkucmPZtNb
— Niagara Launcher - Now out of Beta (@NiagaraLauncher) April 3, 2021

როგორც დოკუმენტაციიდან ვიგებთ, "AppSearchManager" API ნებისმიერ აპლიკაციას აძლევს უფლებას გამოიყენოს ცენტრალიზებული AppSearch ინდექსი. ეს იმას ნიშნავს, რომ საძიებო სისტემა აპლიკაციებს შიგნითაც დაინახავს ფაილებს და შედეგებს პირდაპირ მოგაწვდით. ეს ფუნქცია ძალიან გავს ძიების იმ მეთოდს, რასაც Windows და MacOS იყენებს.

ბოლო ამბები:

გირჩევთ