ინდოეთის კოსმოსის კვლევების ორგანიზაციამ (ISRO) დედამიწის ორბიტაზე ერთდროულად 104 სატელიტი გაუშვა. სატელიტები კოსმოსში PSLV ტიპის რაკეტამ გაიტანა.

ამ ტიპის რაკეტას აქამდე 122 ხომალდი ან სატელიტი აქვს კოსმოსში გატანილი. ყველაზე ბოლოს, შარშან 2016-ში PSLV რაკეტით 20 თანამგზავრი გაუშვეს.

ორბიტაზე გაშვებულ 120 სატელიტს შორის 88 ამერიკულ კომპანია Planet-ს ეკუთვნის. თანამგზავრები, სახელად DOVES დედამიწისთვის მაღალი რეზოლუციის ფოტოების გადასაღებად გაუშვეს. 50 მათგანი უკვე ორბიტაზე ბრუნავს, ხოლო დანარჩენებიც ნელ-ნელა გაეშვებიან.

გარდა ამ სატელიტებისა ინდოეთმა თავისი კუთვნილი Cartosat-2 სერიის კიდევ ერთი თანამგზავრი გაუშვა. ამ მოწყობილობის საშუალებით ინდოეთი პაკისტანსა და ჩინეთს დააკვირდება.

104 სატელიტის გაშვებით ISRO-მ რუსული როსკოსმოსის რეკორდი მოხსნა. წინა რეკორდი 2014 წელს დამყარდა, როცა დნეპრის ტიპის რაკეტით კოსმოსში 37 თანამგზავრი გაიტანეს.