თამაზ მეჭიაურმა ქართული ოცნება დატოვა. ამის შესახებ მან დღეს ფრაქცია ქართული ოცნების სხდომის დასრულების შემდეგ განაცხადა:

"შემიძლია უკვე ღიად განვაცხადო, რადგანაც ყველა ეტიკეტის დაცვით, მასაც [გიორგი კვირიკაშვილს], ბიძინა ივანიშვილსაც ვესაუბრე ამ თემებზე. აბსოლუტური გაგება იყო, ძალიან კეთილმოსურნე დამშვიდობებაც და სამომავლო თანამშრომლობის სურვილიც".

მეჭიაურის თქმით, შეხვედრაზე მან ასევე კომიტეტის დატოვების სურვილიც გამოთქვა, თუმცა ფრაქციამ მას მხარი არ დაუჭირა:

"მთხოვეს, რომ გავაგრძელო ისევ. მითუმეტეს, რომ ბევრი აღარ არის დარჩენილი. ჩემი მხრიდან, როგორც ადრე განვაცხადე, პარლამენტის ვადის ამოწურვამდე, მე მხარს დავუჭერ მათ ძირითად საკითხებში".

პოლიტსაბჭო ქართული ოცნების ოფისში ახლაც მიმდინარეობს და მას ბიძინა ივანიშვილიც ესწრება.