ქართული ოცნების ფრაქციის თავმჯდომარე, მამუკა მდინარაძე აცხადებს, რომ მათი ხელისუფლების პირობებში არც TV პირველს და არც რომელიმე სხვა მედიასაშუალებას პრობლემა არ შეექმნება. ამის შესახებ მან პარტიის ოფისში ჟურნალისტებს განუცხადა.

"ვამბობ მთელი პასუხისმგებლობით, ქართული ოცნების ხელისუფლებაში ყოფნის პირობებში არც ერთ მედიასაშუალებას არანაირი პრობლემა რა შეექმნება", — აღნიშნა მდინარაძემ.

მისივე თქმით, TV პირველში შეჭრასთან დაკავშირებით გაკეთებული განცხადებები არასწორია.

"ნუ მოვიგონებთ პრობლემებს, მერე ამ მოგონილ პრობლემებზე ნუ გავბრაზდებით და ნუ შევქმნით პანიკას იქ, სადაც არა თუ საპანიკო, გასანერვიულებელიც არაფერია", — განაცხადა მდინარაძემ.