ლეგენდარული ამერიკელი ჯაზის მომღერალი ელ ჯერო დღეს, 12 თებერვალს, გარდაიცვალა. ის 76 წლის იყო.

ელ ჯერომ რამდენიმე დღის წინ დააანონსა, რომ 2017 წელს დაგეგმილ ტურნეებში მონაწილეობას აღარ მიიღებდა, რადგან მისი ჯანმრთელობის მდგომარეობა გადაღლილობის გამო მკვეთრად გაუარესდა და მუსიკოსის საავადმყოფოში გადაყვანა გახდა საჭირო.

7 გრემის მფლობელი კვირას დილით, ლოს-ანჯელესის საავადმყოფოში გარდაიცვალა. ის თითქმის 50 წლის განმავლობაში შესვენების გარეშე მართავდა კონცერტებს მსოფლიო მასშტაბით.

მომღერლის მენეჯერმა ჯო გორდონმა მუსიკოსის გარდაცვალებასთან დაკავშირებით განცხადება გამოაქვეყნა, რომელსაც აფრო-ამერიკული ჟურნალი EBONY ავრცელებს.

"ძვირფასო მეგობრებო, ნათესავებო და კოლეგებო,ელ ჯერო დღეს დილით, 5:30am-ზე, ლოს-ანჯელესის საავადმყოფოში თავის ახლობლების გარემოცვაში გარდაიცვალა".

განცხადების ავტორი მსურველებს მოუწოდებს, რომ ყვავილების გაგზავნის ნაცვლად ფული ვისკონსინის ფედერაციას შესწირონ, მუსიკალური სკოლის განვითარებისთვის.