ქართული ოცნების ერთ-ერთი დეპუტატის, სოზარ სუბარის თქმით, ოპოზიციას ევროკავშირის რეაქციების შემდეგ ოპოზიცია იძულებული გახდა, შეეცვალა თავისი ლექსიკა და პოზიცია.

"რამდენიმე დღის წინ მთელი ოპოზიცია ამბობდა, რომ რომ მორჩა, დამთავრდა, არანაირი დიალოგი არ იქნება. მე ამაზე მაშინვე ვთქვი, რომ ეს იყო ამ რაღაც ხელოვნურად აწეული სკანდალის მთავრი მიზანიცა და მიზეზიც. თუმცა, საბოლოოდ, მას შემდეგ, რაც ევროკავშირის პოზიცია საბოლოოდ გამჟღავნდა და ევროკავშირში თქვენ ალბათ უსმენდით დებატებსაც და ნახეთ, რომ საქართველოს მიმართ საკმაოდ პოზიტიური გზავნილები იყო, ოპოზიცია იძულებული გახდა შეეცვალა თავისი ლექსიკაც, თავისი პოზიციაც და მათ დღეს დაიწყეს ისევ და ისევ დიალოგზე ლაპარაკი", — განაცხადა სუბარმა.