კვიპროსში სიმღერის გამო დაწყებული აქცია სინოდის მოთხოვნით გრძელდება
ჯვრებით, ხატებითა და ტრანსპარანტებით შეიკრიბა კვიპროსში მცხოვრები ადამიანების ნაწილი დედაქალაქ ნიქოზიაში, საზოგადოებრივი მაუწყებლის შენობასთან.
"ქრისტე ხსნაა, ეშმაკი — წარწყმენდა" — წერია დემონსტრანტების ტრანსპარანტებზე. "ეშმაკი", ამ შემთხვევაში, ქვეყნის სახელით ევროვიზიის სიმღერის კონკურსზე მონაწილე მომღერლის, ელენა ცაგრინუს, სიმღერას აღნიშნავს, რომელსაც სწორედ El Diablo (ესპ. "ეშმაკი") ჰქვია.
პროტესტის მიზეზი სიმღერაა, მიზანი კი — მისი მოხსნა მუსიკალური კონკურსიდან. ყველაფერი ჯერ კიდევ ერთი კვირის წინ დაიწყო, როცა სიმღერის გამოსვლიდან რამდენიმე საათში ინტერნეტმომხმარებლებმა კვიპროსში პეტიცია შექმნეს, ულტრამემარჯვენე პარტიებმა კი ქვეყნის საზოგადოებრივ მაუწყებელს, რომელმაც სიმღერა შეარჩია, მისი კონკურსიდან მოხსნისკენ მოუწოდეს.
მაშინ პოლიციამ მაუწყებლის შენობების დაცვა გააძლიერა, რადგან ინტერნეტსივრცეში მისი დაწვის მუქარები გაჩნდა. ამჯერად, შენობასთან ოჯახებით შეკრებილი პროტესტანტები ირწმუნებიან, რომ სიმღერა "სატანის თაყვანისცემისკენ მოწოდებაა" და მისი კვიპროსის სახელით მონაწილეობა "ქვეყნის მოსახლეობის უმრავლესობის" ინტერესებს ლახავს.
ინტერესების შემლახავად აქციის მონაწილეები სიმღერის ტექსტს მოიაზრებენ: "I gave my heart to el diablo" ("ჩემი გული ეშმაკს ვუბოძე").
პროტესტს გამოეხმაურა კვიპროსის მართლმადიდებლური ეკლესიაც. ქვეყნის წმინდა სინოდის განცხადებით, სიმღერა "არსებითად ეშმაკისადმი ადამიანის მორჩილების დამღუპველ იდეას ასხამს ხოტბას". ეკლესიამ ასევე მოუწოდა საზოგადოებრივ მაუწყებელს, მოხსნან კომპოზიცია კონკურსიდან და მის ნაცვლად ქვეყნის "ისტორიის, კულტურის, ტრადიციებისა და ღირებულების" გამომხატველი სიმღერა გაგზავნონ როტერდამში დაგეგმილ მუსიკალურ შეჯიბრებაზე.
აღსანიშნავია, რომ პროტესტმა რამდენიმე შემთხვევაში რადიკალური სახეც მიიღო. გასულ კვირას კვიპროსის პოლიციამ დააკავა ადამიანი, რომელიც საზოგადოებრივი მაუწყებლის შენობაში შეიჭრა და "ქრისტიანობისათვის მკრეხელური სიმღერის" ევროვიზიაზე მონაწილეობა მუქარით გააპროტესტა.
მიუხედავად ამ ყველაფრისა, მაუწყებლის სამეურვეო საბჭოს თავჯდომარემ, ანდრეას ფრანგოსმა განმარტა, რომ ისინი სიმღერის შეცვლას არ აპირებენ. თუმცა, ეცდებიან, მისი "მესიჯი" და შინაარსი უფრო ნათელი გახდეს ყველასთვის.
შინაარსი, სიმღერის ავტორების და მაუწყებლის თქმით, ტოქსიკურ ურთიერთობაში მყოფ ქალსა და მის წარუმატებელ მცდელობაზეა, თავი დაიძვრინოს სტოკჰოლმის სინდრომისა და პარანოიისგან.
საკუთარი სიმღერის მნიშვნელობის ახსნა უწევს მომღერალსაც.
"სიმღერას ძალიან ძლიერი მესიჯი აქვს, რომელიც ძალადობის ნებისმიერ ფორმას, მათ შორის El Diablo-ში ნახსენებს, ეწინააღმდეგება", — ამბობს ელენა ცაგრინუ, რომელიც მისივე თქმით, თავს ქრისტიანად მოიაზრებს, — "მაშინ, როდესაც #MeToo კამპანია განსაკუთრებით აქტუალურია, ვფიქრობ, სიმღერის მესიჯი მეტად რელევანტური იქნება არა მხოლოდ კვიპროსში, არამედ მთელ ევროპასა და მსოფლიოში".
მასობრივ განხილვას ქვეყნის ხელისუფლებაც გამოეხმაურა. პრეზიდენტის პრესსპიკერის, ვიქტორას პაპადოპულოსის თქმით, "მთავრობა სრულიად აღიარებს შემოქმედებით, ინტელექტუალურ და ხელოვნების გამოხატვის თავისუფლებას, რომლის არასწორი ინტერპრეტაციით შეზღუდვა მიზანშეუწონელია".
იგივე აზრზეა ცაგრინუც, რომლის სიმღერაც, სამშობლოში მიმდინარე პროტესტის მიუხედავად, ევროვიზიის ფანების აპლიკაციის რეიტინგში პირველ ადგილს იკავებს.
"მუსიკა გვაერთიანებს და გვაძლიერებს. მოდით, ამაზე და ჩვენ გარშემო არსებულ მნიშვნელოვან პრობლემებზე ვკონცენტრირდეთ და არასწორი ინტერპრეტაციები და ბნელი აზრები დავივიწყოთ", — დასძენს მომღერალი.
ფოტო: EBU
რიგით 65-ე ევროვიზიის სიმღერის კონკურსი წელს 18, 20 და 22 მაისს გაიმართება როტერდამში.
ყოველწლიურ მასშტაბურ მუსიკალურ შეჯიბრებაში, რომელსაც 180 მილიონი მაყურებელი ადევნებს თვალს, წელს 40 ქვეყანა მიიღებს მონაწილეობას. მათ შორისაა საქართველოც. ჩვენს ქვეყანას კონკურსზე თორნიკე ყიფიანი წარადგენს, საკუთარი სიმღერით You.
სიმღერისა და მასზე შექმნილი ვიდეოკლიპის პრემიერა მარტის შუა რიცხვებშია დაგეგმილი.
-
გადახედვასაიას განცხადება გელა ნადირაძის ადგილსამყოფლის და მდგომარეობის შესახებ საიას განცხადება გელა ნადირაძის ადგილსამყოფლის და მდგომარეობის შესახებ
-
გადახედვაქართველი იუთუბერები საერთო ვიდეოს ავრცელებენ და რუსულ კანონს გმობენ ქართველი იუთუბერები საერთო ვიდეოს ავრცელებენ და რუსულ კანონს გმობენ
-
გადახედვაახლა საქართველოს ხელისუფლებაზეა დამოკიდებული, მე ნათლად ვთქვი, რომ ევროინტეგრაციის გზაზე ეს კანონი პრობლემაა — ხერტ იან კოოპმანი ახლა საქართველოს ხელისუფლებაზეა დამოკიდებული, მე ნათლად ვთქვი, რომ ევროინტეგრაციის გზაზე ეს კანონი პრობლემაა — ხერტ იან კოოპმანი
-
გადახედვასაჩხერელი გელა ნადირაძე, რომელიც აქციაზე გაუჩინარდა, საავადმყოფოში ნაცემი იპოვეს საჩხერელი გელა ნადირაძე, რომელიც აქციაზე გაუჩინარდა, საავადმყოფოში ნაცემი იპოვეს
-
გადახედვაახლობლები ეძებენ აქციაზე საჩხერიდან ჩამოსულ კაცს — მას, სავარაუდოდ, სპეცრაზმმა სცემა ახლობლები ეძებენ აქციაზე საჩხერიდან ჩამოსულ კაცს — მას, სავარაუდოდ, სპეცრაზმმა სცემა
-
გადახედვადანიგანი: მოვუწოდებთ საქართველოს მთავრობას, კვლავ დაადასტუროს ერთგულება საქართველოს ევროატლანტიკური მომავლის მიმართ დანიგანი: მოვუწოდებთ საქართველოს მთავრობას, კვლავ დაადასტუროს ერთგულება საქართველოს ევროატლანტიკური მომავლის მიმართ
-
გადახედვაღოღობერიძე: ჩვენ გავიმარჯვებთ და ამ საქართველოში იმათთვისაც იქნება ღირსეული ადგილი, ვინც დღეს, სხვადასხვა მიზეზების გამო, სხვაგვარად ფიქრობს! ღოღობერიძე: ჩვენ გავიმარჯვებთ და ამ საქართველოში იმათთვისაც იქნება ღირსეული ადგილი, ვინც დღეს, სხვადასხვა მიზეზების გამო, სხვაგვარად ფიქრობს!
-
გადახედვალანა ღოღობერიძე: გგონიათ, წყლის ჭავლით და რეზინის ტყვიებით შეძლებთ ამ საუკუნეებით გამოწრთობილი სულისკვეთების ჩაკვლას? ლანა ღოღობერიძე: გგონიათ, წყლის ჭავლით და რეზინის ტყვიებით შეძლებთ ამ საუკუნეებით გამოწრთობილი სულისკვეთების ჩაკვლას?
-
გადახედვარუსული კანონის მოწინააღმდეგეები გმირთა მოედნის პიკეტირებას გეგმავენ — საპროტესტო აქცია ჩატარდება პარლამენტთანაც რუსული კანონის მოწინააღმდეგეები გმირთა მოედნის პიკეტირებას გეგმავენ — საპროტესტო აქცია ჩატარდება პარლამენტთანაც
-
გადახედვაკაცს, რომელმაც ლილოს მოვაჭრე შეკვეთით მოკლა, უვადო პატიმრობა შეეფარდა კაცს, რომელმაც ლილოს მოვაჭრე შეკვეთით მოკლა, უვადო პატიმრობა შეეფარდა
-
-
გადახედვასაპარლამენტო ოპოზიციის ბრიფინგი პარლამენტის დაკეტილ ჭიშკართან და მათი მთავარი გზავნილები ხელისუფლებას საპარლამენტო ოპოზიციის ბრიფინგი პარლამენტის დაკეტილ ჭიშკართან და მათი მთავარი გზავნილები ხელისუფლებას
-
-
გადახედვარამდენიმე სიმართლე, რისთვისაც თვალის გასწორება მოგიწევთ თქვენი პარპაშის დასრულებამდე — ჯაფარიძე ოცნებას რამდენიმე სიმართლე, რისთვისაც თვალის გასწორება მოგიწევთ თქვენი პარპაშის დასრულებამდე — ჯაფარიძე ოცნებას
-
გადახედვაპარლამენტმა გააუქმა პლენარული სხდომა, გაუქმებულია საგარეო საქმეთა მინისტრის მოხსენებაც — რა ხდება პარლამენტმა გააუქმა პლენარული სხდომა, გაუქმებულია საგარეო საქმეთა მინისტრის მოხსენებაც — რა ხდება
-
გადახედვასაქართველოს დასავლური კურსი საფრთხეშია — აშშ-ის სახელმწიფო დეპარტამენტი საქართველოს დასავლური კურსი საფრთხეშია — აშშ-ის სახელმწიფო დეპარტამენტი
-
გადახედვარა ვიცით თვალის არეში დაჭრილი ახალგაზრდა კაცის მდგომარეობაზე რა ვიცით თვალის არეში დაჭრილი ახალგაზრდა კაცის მდგომარეობაზე
-
გადახედვაახალგაზრდა კაცი თვალის არეშია დაჭრილი სავარაუდოდ, რეზინის ტყვიით ახალგაზრდა კაცი თვალის არეშია დაჭრილი სავარაუდოდ, რეზინის ტყვიით
-
გადახედვამოვუწოდებთ, შეწყვიტონ ძალადობა, წინააღმდეგ შემთხვევაში სპეციალური საშუალებებით შევწყვეტთ აქციას — შს მინისტრის მოადგილე მოვუწოდებთ, შეწყვიტონ ძალადობა, წინააღმდეგ შემთხვევაში სპეციალური საშუალებებით შევწყვეტთ აქციას — შს მინისტრის მოადგილე
-
გადახედვაპარლამენტში უსაფრთხოების წითელი დონე ამოქმედდა პარლამენტში უსაფრთხოების წითელი დონე ამოქმედდა
-
გადახედვამამუკა მდინარაძე: აღმოჩნდა, რომ 12-მილიმეტრიანი თიაქრით დავდიოდი, ამიტომ ვერ ვიყავი დღეს, ჩათვალეთ, 84-ე ხმა ჩემია მამუკა მდინარაძე: აღმოჩნდა, რომ 12-მილიმეტრიანი თიაქრით დავდიოდი, ამიტომ ვერ ვიყავი დღეს, ჩათვალეთ, 84-ე ხმა ჩემია
კომენტარები