ქართველი მკითხველისთვის უკვე კარგად ცნობილი იაპონელი ავტორის, ჰარუკი მურაკამის ახალი წიგნი 2017 წლის 9 მაისს გამოვა.

"კაცები ქალების გარეშე" - ასე ერქმევა მურაკამის ახალ წიგნს, რომელშიც შვიდი მოთხრობა შევა. კრებულის საერთო თემაა შუა ხნის ასაკის მარტოხელა მამაკაცების ცხოვრება, რომლებიც ცდილობენ, საკუთარი ადგილი იპოვონ ცხოვრებაში. როგორც გამომცემლები აფასებენ, მოთხრობები მურაკამისთვის დამახასიათებელ სტილითაა დაწერილი - იუმორითა და მაგიური რეალიზმით.

წიგნის ყდა კი ასეთი იქნება:

ფოტო: harukimurakami.com

ამის შესახებ ინფორმაცია მურაკამის ოფიციალურ გვერდზეა მოცემული.

ჰარუკი მურაკამი მსოფლიოში ერთ-ერთი ყველაზე ცნობილი მწერალია. მისი წიგნები - ნორვეგიული ტყე, კაფკა პლაჟზე, 1Q84 და სხვები - ქართულ ენაზეც არის ნათარგმნი.

შეგახსენებთ, რომ მიმდინარე წლის 24 თებერვალს მურაკამის კიდევ ერთი წიგნი გამოიცემა.