ჯანდაცვის მინისტრის მოადგილის, თამარ გაბუნიას თქმით, ჩინური ვაქცინა სინოფარმი ახლოსაა ავტორიზაციასთან და მას ერთ-ერთ ვარიანტად განიხილავენ. ამის შესახებ მან რუსთავი 2-ის ეთერში განაცხადა.

როგორც გაბუნია ამბობს, სამინისტრო რამდენიმე ვარიანტს განიხილავს. მან, ასევე, რუსულ ვაქცინაზეც ისაუბრა.

"ჩინური ვაქცინა სინოფარმი ძალიან ახლოს არის ავტორიზაციასთან. ჩვენ ამ ოფციის განხილვა დავიწყეთ. რუსული ვაქცინა, პოლიტიკური მიზნებიდან გამომდინარე, ჩვენთვის თავიდანვე არ ყოფილა ოპცია. ავტორიზაცია, შესაძლოა, რუსულმა ვაქცინამაც მიიღოს, თუმცა ამ შემთხვევაში არ ვთვლით, რომ რუსული ვაქცინა ჩვენ შეგვიძლია რუსული ვაქცინა გამოვიყენოთ, რადაგან არჩევანი ფართოა და ქვეყანა მოახერხებს სხვა ვაქცინების მობილიზებას", — აღნიშნა გაბუნიამ.

ჯანდაცვის სამინისტროში აცხადებდნენ, რომ საქართველოში კორონავირუსის წინააღმდეგ პირველი ვაქცინა თებერვალში ჩამოვიდოდა. თუმცა ეს ამ დრომდე არ მომხდარა.

დღეს, 5 მარტს თამარ გაბუნიამ განაცხადა, რომ 22 მრტის კვირაში საქართველო Pfizer-ისა და AstraZeneca-ს დოზებს მიიღებდა.