ქართული ოცნების დეპუტატის დავით კაჭარავას შეფასებით, შინაგან საქმეთა მინისტრი, ვახტანგ გომელაური მოვალეობას "ძალიან კარგად" ასრულებს. როგორც მან მთავარ არხს უთხრა, მინისტრის მოხსენებას მოუსმენს და თუ კითხვა ექნება, დაუსვამს.

გარდა ამისა, კაჭარავამ ისაუბრა გომელაურის პასუხისმგებლობაზე, რომ ზუგდიდის ბანკის თავდასხმაში ძებნილი ბადრი ესებუა ამ დრომდე დაკავებული არაა.

"მისი პასუხისმგებლობა იმ სიტუაციაში და ჩემთვისაც პირადად იყო, რომ ადამიანები არ დაშავებულიყვნენ, ადამიანები არ დაშავდნენ, რაც უმთავრესი იყო, დანარჩენი გამოძიების საქმეა და ვფიქრობ, რომ ეს საქმეც დასრულდება", — აღნიშნა დეპუტატმა.

დღეს, 5 მარტს პარლამენტში მინისტრის საათის ფარგლებში შინაგან საქმეთა მინისტრს, ვახტანგ გომელაურს მოუსმენენ. გომელაური სამინისტროს გეგმებზე ისაუბრებს და დეპუტატების კითხვებს უპასუხებს.