ჯანდაცვის მინისტრის, ეკატერინე ტიკარაძის განცხადებით, კოვაქს პლატფორმის მიღმა დაჯავშნილია ვაქცინის 150 000 დოზა, 100 000 დოზა, 500 000 დოზა და 1 000 000 დოზა მოსახლეობისთვის.

"ჩვენ მწარმოებლებს ვესაუბრებოდით და დღესაც ვესაუბრებით და სწორედ ეს არის გარანტი, როდესაც ჩვენ ვსაუბრობთ, რომ კოვაქს პლატფორმის მიღმა, სადაც ჩვენ დაჯავშნილი გვაქ ჩვენი მოსახლეობის 20%-ის ვაქცინაციის დოზები, ამის მიღმა ჩვენ დამატებით გვაქვს მოლაპარაკებები და ეს მოლაპარაკებები უკვე საკმაოდ წინ წასული მოლაპარაკებებია ისეთ ვაქცინებზე, რომლებიც დღეს აკრედიტირებული და აღიარებულია მსოფლიო ჯანდაცვის ორგანიზაციიდან. ასევე ისეთ ვაქცინებზე, რომლებსაც დღესდღეობით მხოლოდ FDA-ს აკრედიტაცია აქვს. ამ პლატფორმებზე ჩვენ დაჯავშნილი გვაქვს, შეგიძლიათ ჩაინიშნოთ და შემდეგ შემახსენოთ ეს დოზირებები — 150 000 დოზა, 100 000 დოზა, 500 000 დოზა და 1 000 000 დოზა ჩვენი მოსახლეობისთვის", — განაცხადა მან რუსთავი 2-ის ეთერში.

InterpressNews-ის ცნობით, Covax პლატფორმამ მათი კითხვის პასუხად განმარტა, რატომ ვერ მიიღო საქართველომ Pfizer-ის ვაქცინა თებერვალში. Covax-ის განცხადებით, თებერვლის ბოლოს ნაადრევი გზავნილები იმ ქვეყნებში განხორციელდა, რომლებმაც კრიტერიუმები უკვე დააკმაყოფილეს.