ამ ქალმა უცებ გააცნობიერა, რომ პანდემიის გამო მისმა ტატუმ სხვა მნიშვნელობა შეიძინა

TikTok-ზე ვიღაცამ იკითხა, ყველაზე სულელური ტატუ რა გაგიკეთებიათო და აშშ-ის შტატ კენტუკიში მცხოვრებმა 25 წლის ლეა ჰოლანდმა გადაწყვიტა, რომ ეს შესაძლებლობა გამოეყენებინა, რათა ყველასთვის თავისი უიღბლო ისტორია გაეზიარებინა.

ის ორი წლის განმავლობაში ფიქრობდა, თუ რა დაეხატა სხეულზე, სანამ ერთხელაც მუზა არ ეწვია.

"ერთხელ მეგობართან ვსაუბრობდი იმაზე, თუ რა თვისებები მოგვწონს სხვა ადამიანში და მან მითხრა, რომ 'შენ თამამად ამბობ უარს ნიღბების ტარებაზე', რაც მას ხიბლავდა", — ამბობს ლეა.

ამით მეგობარმა მას გულწრფელობა შეუქო: მისი აზრით, ლეა არასდროს ასაღებდა იმად თავს, ვინც არ იყო და სიყალბის ნიღაბს არ ირგებდა.

ეს შეფასება ლეა ჰოლანდს იმდენად მოეწონა, რომ გადაწყვიტა, ეს ფრაზა – თამამად უარს ვამბობ ნიღბის ტარებაზე – სამუდამოდ მის ნაწილად ექცია და 2020 წლის 4 მარტს ტატუდ დაიხატა: ორი დღის შემდეგ, როცა კენტუკის შტატში კორონავირუსის პირველი შემთხვევა დაფიქსირდა.

თავიდან თითქოს პრობლემა არაფერი იყო, მაგრამ მალე ყველაფერი შეიცვალა: მას წარმოდგენაც არ ჰქონდა, რომ ნიღაბი/პირბადე თავისი პირდაპირი მნიშვნელობით, არა მხოლოდ მისი, არამედ მთელი მსოფლიოს მოსახლეობის ყოველდღიურობის განუყრელი ნაწილი გახდებოდა.

თავისმა ტატუმ კი მოულოდნელად სულ სხვა მნიშვნელობა შეიძინა: თითქოს ის ამით პირბადის ტარებაზე უარს სიამაყით აცხადებდა და იმ ადამიანთა რიცხვს უერთდებოდა, ვინც უსაფრთხოების დაცვის მსგავს წესებს უგულებელყოფს.

სინამდვილეში, თვითონ სულაც არ არის ერთ-ერთი მათგანი, ვინც პირბადის ტარებაზე უარს აცხადებს, ამიტომაც განსაკუთრებით ღელავდა, თუ რას იფიქრებდა ხალხი ამ ტატუს გამო.

"მთელი ზაფხული გრძელმკლავიანი ტანსაცმელი მეცვა, რომ ვინმეს ჩემი ტატუ თვალში არ მოხვედროდა. გასული ზაფხული განწყობამოშხამულმა გავატარე", — ამბობს ის.

ტიკტოკზე მისმა ვიდეომ ერთ დღეში ორ მილიონამდე ნახვა დააგროვა და უამრავი ადამიანი გაამხიარულა.

@wakaflockafloccar
##stitch with @hannanicbic I could NOT have had worse timing. ##fyp ##foryoupage ##tattoo ##worsttattoo ##winner P.S. I’m not anti-mask I promise 🤦🏻‍♀️
♬ original sound - wakaflockafloccare