რუსეთის ოპოზიციის ლიდერი, ალექსეი ნავალნი სასამართლომ დამნაშავედ სცნო ქონების მისაკუთრებაში. ინფორმაციას BBC ავრცელებს.

ნავალნი ბრალდებებს უარყოფს და ამბობს, რომ ისინი პოლიტიკურად მოტივირებულია.

ადამიანის უფლებათა ევროპულმა სასამართლომ დაადგინა, რომ 2013 წელს ნავალნის სამართლიანი სასამართლოს უფლება შეეზღუდა და რუსეთს საქმის ხელახლა განხილვა დაავალა.

2013 წელს, სასამართლომ ნავალნი დამნაშავედ სცნო 16 მილიონი რუბლის ($500 000) ღირებულების ხე-ტყის მასალის მითვისებაში.

ნავალნიმ განაცხადა, რომ სასამართლოს გადაწყვეტილება ზუსტი ასლია 2013 წლის განაჩენის. მისივე თქმით, ის დარწმუნებული იყო, რომ სასამართლო კიდევ ერთხელ გაამტყუნებდა. ნავალნის განცხადებით, საქმე მისი პოლიტიკისგან ჩამოშორების მცდელობაა.

ნავალნი თავისი ანტიკორუფციული კამპანიის გამოა ცნობილი, რომელსაც მიზანში კრემლთან დაახლოებული სახელისუფლებო ძალები ჰყავდა ამოღებული. ნავალნიმ შარშან განაცხადა, რომ 2018 წლის საპრეზიდენტო არჩევნებში იყრიდა კენჭს. კონსტიტუციის თანახმად, პუტინს კიდევ ერთხელ შეუძლია გახდეს პრეზიდენტი 6-წლიანი ვადით, თუმცა კენჭისყრაზე ჯერ-ჯერობით განცხადება არ გაუკეთებია.