სერიალი ფარგო FX-ის ბოლო დროის ერთ-ერთი ყველაზე წარმატებული სერიალია, რომლის პრემიერაც არხზე 2014 წელს შედგა.

პირველ სეზონში მონაწილეობას ბილი ბობ ტორტონი, ელისონ ტოლმანი, კოლინ ჰენქსი და მარტინ ფრიმენი იღებდნენ, სიუჟტი კი 2006 წელს, სოციოპათი და დამნაშავე ლორნ მალვოის გარშემო ვითარდებოდა, რომელიც მინესოტას ქალაქ ბემიჯიში ადგილობრივ სადაზღვევო აგენტს ხვდება და მის ცხოვრებაც ტრაგიკულად ცვლის. ქალაქში რამდენიმე სასტიკი მკვლელობა ხდება, რომლებსაც ადგილობრივი პოლიცია იძიებს.

მეორე სეზონში, სადაც კრისტენ დანსტი, პატრიკ უილსონი, ჯეინ სმარტი და ტედ დენსონი მონაწილეობენ ეკრანზე 2015 წლის ოქტომბერში გავიდა. აქ ისტორია 1979 წელს იწყება, მინესოტას ქალაქ ლუვერნში, სადაც ცოლ-ქმარი ჩადენილი დანაშაულის შემდეგ კვალის დაფარვას ცდილობს.

როგორც FX ამბობს, ორ წლიანი პაუზის შემდეგ ფარგო ახალი ისტორიით ეკრანზე სწორედ წელს დაბრუნდება, თუმცა ზუსტ თარიღს არ ასახელებენ, სავარაუდოდ ეს შარშანდელის მსგავსად ოქტომბერში მოხდება.

ახალ სეზონთან დაკავშირებით ვიცით სამსახიობო შემადგენლობაა, მესამე ნაწილში მონაწილეობას მიიღებენ:

მერი ელიზაბეტ უინსტედი

ფოტო: Gatty

კერი კუნი

ფოტო: HBO

იუენ მაკგრეგორი

ფოტო: AP

სკოტ მაკნაირი

ფოტო: EIPA

მაიკლ შტულბერგი

ფოტო: Wrap

დევიდ ტიულისი

მაკგრეგორი მესამე სეზონში ტყუპი ძმების ემით და რეი სტუსის როლს შეასრულებს. ძმები ერთმანეთს ექიშპებიან და მათი მეტოქეობა ქურდობით იწყება და მკვლელობით გვირგვინდება.

დანაშაულს კუნის პერსონაჟი გლორია იძიებს. გლორია მარტოხელა დედაა, რომელიც გარდა იმისა, რომ მკვლელობებს იძიებს ცდილობს ალღო აუღოს ახალ გამოწვევებს, რომელიც მარტო დარჩენის შემდეგ მის წინაშე დადგა.

"გლორიას აქვს ერთი სცენა, სადაც მის გარშემო ყველა ტელეფონშია ჩამძვრალი და ყურადღებას არავინ აქცევს, ეს კი მისი გადმოსახედიდან საკმაოდ უცნაური და დამთრგუნველია. ეს ფაქტები ჩვენ დაგვეხმარება ბევრი საინტერესო და სასაცილო ამბების განხორციელებაში", - ამბობს შოუს პროდიუსერი უორენ ლითლფილდი.

აღსანიშნავია ისიც, რომ ფარგოს მესამე სეზონში სიუჟტი 2010 წელს განვითარდება, ზუსტად ოთხი წლის შემდეგ პირველი სეზონის ისტორიიდან.