თავის ტკივილები ხომ არ გაწუხებთ? დიდი შანსია, ამის მიზეზი დეჰიდრატაცია ან სტრესი იყოს, მაგრამ იმის შანსიც არსებობს, რომ თქვენს თავში ტარაკანა ცხოვრობდეს.

New Indian Express-ის განცხადებით, 42 წლის ინდოელი ქალი, სელვი ცხვირისა და თვალების მიდამოებში ჩხვლეტას უჩიოდა. მას თვალებიც ეწვოდა და თავი სტკიოდა.

ადგილობრივ კლინიკაში დიაგნოზის დასმა ვერ მოხერხდა. სამთავრობო ჰოსპიტალში გადაყვანის შემდეგ პაციენტს რამდენიმე სკანირება ჩაუტარდა, რის შემდეგაც ექიმებმა დაასკვნეს, რომ დისკომფორტს იწვევდა უცხო სხეული, რომელიც, სავარაუდოდ, მოძრაობდა. ზონდის შეყვანის შემდეგ ექიმების გაოცებას საზღვარი არ ჰქონდა. მათ დაინახეს ზრდასრული, მოძრავი ტარაკანა, რომელიც ცხვირსა და თვალებს შორის იმალებოდა.

სელვის თავში ტარაკანა ცხვირის გავლით მოხვდა. პინცეტებისა და გამომწოვი მოწყობილობების ძალის წყალობით, ტარაკანა წარმატებით გამოიყვანეს 45 წუთის შემდეგ. პროცედურის დასრულება ვიდეოზე აღიბეჭდა. ს.

ქალბატონებო და ბატონებო, არ შეგეშინდეთ, ეს ძალიან, ძალიან იშვიათი შემთხვევაა. ტარაკანას გამოყვანის ოპერაციაში მონაწილე ერთ-ერთმა ქირურგმა თქვა, რომ ეს იყო ყველაზე უცნაური შემთხვევა მისი კარიერის განმავლობაში.

ცხვირის ღრუში მძივებისა და ღილების არსებობა არავის უკვირს, მაგრამ ცოცხალი ტარაკანა აქამდე არასდროს უპოვიათ.