დეკანოზ გიორგი მამალაძის ძმის, თორნიკე მამალაძის განცხადებით, სოსო გოგაშვილი ირიბად ადასტურებს დეკანოზი გიორგი მამალაძის უდანაშაულობას, უბრალოდ, ის თავის ვერსიებშია არეული, რადგან შეშინებულია და თავის გადარჩენას ცდილობს.

"გოგაშვილი თავის ვერსიებში აირია. ხან იძახდა, რომ პროვოკაცია უნდა მოეწყო ჩემს ძმას და ციანიდი უნდა მოეყარა და შორენა თეთრუაშვილს უნდა შეეტანა საჭმელიო, ხან სხვა ვერსიებს ამბობდა, ხან პატრიარქზე მიანიშნებდა. აქედან გამომდინარე, ეს ადამიანი არის არეული თავის ვერსიებში. ისაც დაადასტურა, რომ ციანიდის ამოღების კადრი არ არსებობსო და ვისგან შეისყიდა არ არსებობსო. ირიბად ეს ადამიანი ადასტურებს იმას, რომ ჩემი ძმა არის უდანაშაულო, უბრალოდ, ის თავის ვერსიებში არის არეული, რადგანაც ის არის შეშინებული და ცდილობს თავის გადარჩენას", — განაცხადა მამალაძემ TV პირველის ეთერში.

13 თებერვალს სუს-ის უფროსის აწ უკვე ყოფილი მოადგილე, სოსო გოგაშვილი მედიასთან ალაპარაკდა. მან TV პირველი ეთერში ციანიდის საქმეზე ისაუბრა და თავისი ვერსიაც გააჟღერა. მისი თქმით, არ არსებობს კადრი, რითიც გამოძიება დაადასტურება მამალაძის მხრიდან ციანიდის შეძენას ან დაკავებისას ამ ნივთიერების ამოღებას.

გოგაშვილის ვერსიით, მამალაძის განზრახვა არც თეთრუაშვილის და არც ილია მეორეს მოწამლვა არ ყოფილა, თუმცა საზღვარზე ციანიდი ნამდვილად გადაჰქონდა და ამ "ოპერაციის" მიზანი შორენა თეთრუაშვილის დაკავება იყო.