კრემლი ბოდიშის მოხდას მოითხოვს ამერიკული ტელეკომპანიისგან Fox News, რომლის წამყვანმა რუსეთის პრეზიდენტი, ვლადიმერ პუტინი დონალდ ტრამპთან ინტერვიუში მკვლელად მოიხსენია. ინფორმაციას Reuters ავრცელებს.

"მსგავსი სიტყვები ტლეკომანიისგან Fox მიუღებელი და შეურაცხმყოფელია. გულახდილად რომ ვთქვათ, გვირჩევნია ბოდიში მივიღოთ ამ საკმაოდ პატივსაცემი ტელევიზიისგან," - უთხრა ჟურნალისტებს კრემლის წარმომადგენელმა, დმიტრი პესკოვმა.

Fox News-ის წამყვანმა, ბილ ო'რაილიმ რუსეთის პრეზიდენტი მკვლელად მოიხსენია. ეს დონალდ ტრამპთან ინტერვიუს დროს მოხდა, იმ მომენტში, როცა ჟურნალისტი ცდილობდა პასუხი მიეღო, თუ რატომ სცემს პატივს აშშ-ის პრეზიდენტი პუტინს.