2020 წლის Super Bowl, ჩემპიონატში ქალების ჩართულობის კუთხით, ისტორიული მნიშვნელობის იყო: ქეითი სოუერსი სუპერ ბოულის პირველი ქალი და ღიად ქვიარი მწვრთნელი გახდა. ეს მოვლენა ჩემპიონატში ქალების წარმატების დასაწყისი აღმოჩნდა: 2021 წლის ჩემპიონატს პირველი ქალი მსაჯი და ორი ქალი მწვრთნელი ჰყავს.

სოუერსის დაწყებული საქმე წელს სარა ტომასმა გააგრძელა. ტომასი სუპერ ბოულის ისტორიაში პირველი ქალი მსაჯია. ის ამერიკული ფეხბურთის ეროვნული ლიგაში მსაჯის პოზიციაზე 2015 წელს დაინიშნა. აღსანიშნავია, რომ სუპერ ბოულის მსაჯობისთვის, სულ მცირე, 5-წლიანი გამოცდილებაა საჭირო და კანდიდატურის შერჩევისას მთელი სეზონის განმავლობაში მიღწეული შედეგები გადამწყვეტ როლს თამაშობს.

პირველი ქალი მსაჯის გარდა, 2021 წლის სუპერ ბოული იმითაცაა გამორჩეული, რომ ჩემპიონატში 2 ქალი მწვრთნელიც მონაწილეობდა. ორივემ წლევანდელი გამარჯვებულის — Tampa Bay Buccaneers-ის წარმატებაში საკუთარი წვლილი შეიტანა. ლოქესტი და ჯავადიფარი პირველი ქალი მწვრთნელები არიან, რომლებმაც სუპერ ბოული მოიგეს.

ამავე თემაზე: