ოლივია ვაილდი Variety-ს გადაცემათა ციკლის, Directors on Directors სტუმარი იყო, რომელშიც მისი, როგორც რეჟისორის სამუშაო პროცესზე და მისი ფილმის Don't Worry Darling-ის გადასაღებ მოედანზე არსებულ მკაცრ წესზე — "არა ნაბიჭვრებს" ისაუბრა.

ვაილდმა შაია ლაბაფი ფილმის გადაღებებიდან გაათავისუფლა და მის როლზე ჰარი სტაილსი მიიწვია, რადგან "ლაბაფის ქცევა არასათანადო იყო და მისი მიდგომები გადამღები ჯგუფის ღირებულებებთან აცდენაში იყო".

ოლივია უაილდის ფილმში შაია ლაბაფს ჰარი სტაილსი ჩაანაცვლებს

"ერთმა ძალიან წარმატებულმა მსახიობმა და რეჟისორმა საშინელი რჩევა მომცა, თუმცა ეს მიდგომა გამომადგა, რადგან ვიცოდი, რომ საპირისპირო წესებით უნდა მემოქმედა. მითხრეს, რომ თუ პატივისცემის დამსახურება მსურდა დღეში სამი დაპირისპირება მაინც უნდა მქონოდა, რათა ძალაუფლების დემონსტრირება მომეხდინა. მე საპირისპირო მიდგომით ვმუშაობ და დაპირისპირება არ მჭირდება", — აღნიშნა ვაილდმა.

მსახიობისა და რეჟისორის აზრით, დისკომფორტი და შფოთვა ხელოვნების ნიმუშის შესაქმნელად აუცილებელი სულაც არ არის.

"გასულმა საუკუნემ არასწორი აღქმა დაამკვიდრა, თითქოს ნამდვილი ხელოვნება შფოთვისა და დისკომფორტის წიაღიდან იბადება და ესკალაციამდე მისული წნეხი რაღაც ღირებულის დაბადებას უწყობს ხელს" — განაცხადა რეჟისორმა.

ოლივიას აზრით, "არა ნაბიჭვრებს" მიდგომა სასიკეთოა, რადგან ზოგიერთი ადამიანის ქედმაღლობა "არავისთვის არის სასარგებლო".

"ნაბიჭვრების უარყოფა ყველას თანაბარ მდგომარეობაში აყენებს. მსახიობის გამოცდილებამაც კარგად დამანახა, რომ უაზრო იერარქია მსახიობებსა და გადამღებ ჯგუფს შორის ერთგვარ ბარიერს ქმნის, რომლის მიზანიც გაურკვეველია. მსახიობმა გადაღების პროცესზე ბევრად მეტი უნდა იცოდეს" — აღნიშნა Don't Worry Darling-ის რეჟისორმა.

ფანების უარყოფითი რეაქცია შაია ლაბაფის FKA Twigs-თან ურთიერთობისას ჩადენილმა ქმედებებმაც გამოიწვია. მომღერალმა მსახიობს მიყენებული ფიზიკური და ემოციური ზიანისთვის სასამართლოში უჩივლა.

ასევე იხილეთ: