კომპანია Xiaomi ინოვაციურ დამტენს გვთავაზობს. ეს ელექტროენერგიის გადაცემის ახალი სისტემაა, რომელსაც სმარტფონის დატენვა, ოთახში დისტანციურად, ყველანაირი სადენის გარეშე შეეძლება.

Mi Air Charge Technology, ჯერ კიდევ შემუშავების პროცესშია, თუმცა, როგორც შემქმნელები ამბობენ, მოწყობილობას 5 ვატიანი ენერგიის მიწოდება, 16 მეტრის სიშორიდანაც შეეძლება.

"Xiaomi-ის დისტანციური დამტენის ტექნოლოგია მდგომარეობს ენერგიის გადაცემაში, რასაც სივრცეში განლაგებული ნივთები ხელს ვერ შეუშლიან." — ამბობენ კომპანიაში.

ინოვაციური დამტენი, 144 ანტენის მასივისგან შედგება, რომლებიც სხივების ფორმით მობილურის მიმართულებით იგზავნება. შესაბამისად, ვიღებთ უკაბელო სიგნალებს, რომლითაც ენერგია უსწრაფესად და უსაფრთხოდ გადაიცემა.

კარგი სიახლეა ისიც, რომ მოწყობილობას რამდენიმე სმარტფონის ერთდროულად დატენვა შეეძლება.

მარტო მობილურები?

კომპანიაში ამბობენ, რომ მომავალში მსგავსი დამტენის გამოყენება ყველა უკაბელო მოწყობილობისთვის იქნება შესაძლებელი.

"მალე ჩვენი მოწყობილობები; დინამიკები, მაგიდის ნათურები და სხვა პატარა ჭკვიანი სახლის პროდუქტები, ყველა უკაბელო ელექტრომომარაგების დიზაინის საფუძველზე შეიქმნება, რაც ზედმეტი კაბელებისგან სრულად გაგვათავისუფლებს." — ნათქვამია კომპანიის განცხადებაში.

რუბრიკის სპონსორია ტექნიკის მაღაზიათა ქსელი გრანდ ელექტრონიქსი. გრანდ ელექტრონიქსი SHARP-ის, TOSHIBA-ს, Mitsubishi Electric-ის, Midea-ს, Ardesto-ს, Warmhaus-ისა და სხვა პრემიუმ თუ დაბალბიუჯეტური ბრენდებით სახლის ტექნიკით აღჭურვასა და კომფორტის შექმნაში დაგეხმარებათ.

თქვენთვის სასურველი საოჯახო ტექნიკის ყიდვა შესაძლებელია გრანდ ელექტრონიქსის ხუთ ფილიალში: საბურთალოს სითი მოლის, ისთ ფოინთის, მეგალაინის სავაჭრო ცენტრებში და გლდანისა და ვარკეთილის ფილიალებში, აგრეთვე 24/7-ზე გრანდ ელექტრონიქსის ვებგვერდის საშუალებით.