ქართული ოცნების ერთ-ერთი ლიდერის, მამუკა მდინარაძის განცხადებით, არანაირი თავდასხმა არანაირი ფორმით თანამედროვე საზოგადოებისთვის მისაღები არ არის და ამას უნდა გაემიჯნოს ყველა.

"არანაირი თავდასხმა არანაირი ფორმით არ არის მისაღები თანამედროვე საზოგადოებისთვის, თანამედროვე დემოკრატიული სახელმწიფოებისთვის და ბუნებრივია, ამას უნდა გაემიჯნოს ყველა, ეს იქნება ხელისუფლების წარმომადგენელი, თუ რიგითი სხვა მოქალაქე. ყველანაირ თავდასხმას, ბუნებრივია, ყველა პასუხისმგებლიანი მოქალაქე უნდა გაემიჯნოს", — განაცხადა მდინარაძემ.

კარტოგრაფების საქმეში ბრალდებულ ივერი მელაშვილს სავაჭრო ცენტრში სიტყვიერი შეურაცხყოფა მიაყენეს. ამის შესახებ ვიდეო სოციალურ ქსელში ერთ-ერთმა მომხმარებელმა გაავრცელა.