პროგრამა ბალანსს ახალი სენსორულ პოსი აქვს.

რა არის ბალანსი? - ეს არის თანამედროვე ქართული საბუღალტრო პროგრამა და სააღრიცხვო სისტემა, რომელიც აერთიანებს ბიზნესის საოპერაციო ანუ, ყოველდღიური საქმიანობის აღრიცხვასა და ფინანსურ ნაწილს. ბალანსი უკვე 5 წელია რაც ბაზარზეა და მას უკვე 800-მდე კომპანია იყენებს სხვადასხვა სფეროდან. რამდენიმე დღის წინ პროგრამას დაემატა მოლარის სენსორული სამუშაო სივრცეც - point of sale, ე.წ. თაჩიანი POS-ი.

"ამ ფუნქციონალის დამატებით სრულად დავფარეთ გაყიდვების ავტომატიზაცია და ბალანსს უკვე თავისუფლად შეგვიძლია ვუწოდოთ სრულყოფილი ვაჭრობის პროგრამა", - ამბობს ბალანსის ბიზნესის განვითარების მენეჯერი, მარიამ მამულია.

გამარტივებული შესყიდვები და გაყიდვები

პროგრამა მაქსიმალურად ზუსტად მოგცემთ პროდუქტის თვითღირებულებას, რომელშიც გათვალისწინებულია იმპორტის, ტრანსპორტირების, ზედნადები და სხვა დამატებითი ხარჯები. გარადა ამისა, შესაძლებელია მომწოდებლებთან ინდივიდუალური პირობების დადგენა და შესყიდული საქონლის ძველი და მიმდინარე ფასების შედარება.

ბალანსში ავტომატიზებულია გაყიდვებიც: შესაძლებელია აისახოს მყიდველებთან ურთიერთობის უწყვეტი ჯაჭვი - კომერციული შეთავაზება, მის საფუძველზე შეკვეთა და ბოლოს რეალიზაცია, რომელიც პარალელურად აისახება RS.ge-ზე. ასევე, პროგრამულად აღირიცხება უკან დაბრუნებები, იმართება ფასდაკლებები და შესაძლებელია კონკრეტული მომხმარებლისთვის სპეც. პირობების დადგენაც. თუმცა, ეს მხოლოდ დეტალებია, სრული ფუნქციონალისთვის, სჯობს პროგრამის დემო ვერსია ნახოთ.

საწყობის კონტროლი

ბალანსი ერთიანი სისტემაა, რომელშიც გაერთიანებულია ბიზნეს საოპერაციო აღრიცხვისთვის საჭირო ყველა მოდული - შესყიდვები, გაყიდვები, საწყობი, წარმოება, ბუღალტერია ყველა კომპონენტით და ა.შ. მოდულები მუშაობენ პარალელურად. სრულფასოვანი საწყობის მართვის მოდული, შეიძლება ითქვას არის დამოუკიდებელი საწყობის პროგრამა. ის რაც ხდება შესყიდვებში, გაყიდვებში და წარმოებაში, აისახება საწყობში - როდესაც ბალანსში შესყიდვების მენეჯერი აფორმებს შესყიდვას, პროდუქტი ავტომატურად ემატება საწყობში და აისახება ნაშთებში. გაყიდვისას შესაბამისად მცირდება საქონლის ნაშთი, პროდუქტის წარმოებისას კი გამოყენებული მასალა ასევე ავტომატურად ჩამოიწერება საწყობიდან.

ერთიანი სისტემა ზოგავს თანამშრომლების დროს და ამცირებს ადამიანური შეცდომების დაშვების რისკს. ამასთან, კომპანიის მენეჯმენტს ბალანსით საშუალება აქვს ლაივ რეჟიმში აკონტროლოს კომპანიის საქმიანობა სხვადასხვა რეპორტით.

E-commerce ინტეგრაცია

ბალანსი არის თანამედროვე, ღია სისტემა. პროგრამას აქვს ინტეგრაციის პროტოკოლი - open API, რისი საშუალებითაც, მისი დაკავშირება შესაძლებელია როგორც სხვადასხვა ძრავზე შექმნილ ონლაინ მაღაზიებთან, ისე BI სისტემებთან. ბალანსი უკვე თანამშრომლობს CS-cart-ისა და B2C-ს ძრავებთან.

ონლაინ მაღაზიის ბალანსთან ინტეგრაცია ამარტივებს გაყიდვების კონტროლს - ის რაც იყიდება მაღაზიაში, მომენტალურად აისახება ბალანსის გაყიდვების მოდულში და ჩამოიწერება საწყობიდან. საწყობის მოდულთან ინტეგრაციით პროდუქტების რაოდენობის მანუალურად დაკორექტირება ონლაინ მაღაზიაში აღარ არის საჭირო. საიტზე ნივთების რაოდენობა ავტომატურად შეიცვლება პროგრამაში არსებული ნაშთების მიხედვით.

ახალი სენსორული POS

ალბათ ძალიან რთულია მოლარე „მაუსით“ მუშაობდეს - ბალანსს უკვე აქვს სენსორული პოსი, რომელიც, რა თქმა უნდა, ერთიანი სისტემის ნაწილია, მაღაზიაში მოლარეს მიერ გატარებული პროდუქცია, ლაივ რეჟიმში აისახება ბექში - გაყიდვების მოდულსა და ბუღალტერიაში.

ხელმისაწვდომი ფასი

როგორც წესი, ერთიანი სისტემა დამახასიათებელია დიდი ERP სისტემებისთვის, რომელიც გათვლილია მსხვილი ბიზნესის ყოველდღიურ პროცესებზე, სადაც დღის განმავლობაში ათი ათასობით ოპერაცია სრულდება. ასეთ პროგრამებს ფასიც შესაბამისი აქვს.

ბალანსი განკუთვნილია მცირე და საშუალო ტიპის კომპანიებისთვის - პროგრამას აქვს ლოკალური ვერსია - რაც ნიშნავს ლიცენზიების შესყიდვას მუდმივ სარგებლობაში. ასევე, ღრუბლოვანი ტექნოლოგია ე.წ ქლაუდი (cloud)- ქლაუდის შემთხვევაში მომხმარებელი არ ყიდულობს პროგრამის ლიცენზიას, არამედ სარგებლობს პროგრამით, როგორც სერვისით და ყოველთვიურად იხდის მინიმალურ გადასახადს - 79 ლარს, რომლის ფარგლებშიც განახლებებსა და მხარდაჭერის მომსახურებას უფასოდ იღებს.

ბალანსი შექმნილია 1C-ის უახლეს, 8.3 პლატფორმაზე, აქვს სამენოვანი (ქართული, ინგლისური, რუსული) ინტერფეისი და მორგებულია ქართულ საგადასახადო კანონმდებლობას. პროგრამის შესახებ სრული ინფოსთვის დაუკავშირდით ბალანსის გუნდს 599 766 766, ან ეწვიეთ პროგრამის ოფიციალურ ვებგვერდს.