პრემიერმინისტრ გიორგი გახარიას განცხადებით, "2, 3, 4, 5 ათასი ყოველდღიური ინფიცირების შემთხვევაში, არანაირ ნორმალურ ეკონომიკურ ცხოვრებაზე საუბარი არ იქნება". ამის შესახებ მან მთავრობის სხდომაზე ისაუბრა და აღნიშნა, რომ ვიცე-პრემიერ მაია ცქიტიშცილის ხელმძღვანელობით, ეკონომიკური გუნდის ბიზნესის სხვადასხვა სექტორის წარმომადგენლებთან შეხვედრები გრძელდება.

"ამ შეხვედრების მთავარი მიზანი გახლავთ ის, რომ ეკონომიკის გახსნა იყოს მდგრადი, გონივრული და რაც მთავარია, დაცული. ყველას კარგად უნდა გვესმოდეს, რომ 2,3,4,5 ათასი ყოველდღიური ინფიცირების შემთხვევაში არანაირ ნორმალურ ეკონომიკურ ცხოვრებაზე საუბარი არ იქნება და ვერ იქნება. ამიტომ ჩვენ ყველამ ერთად, ჩვენს მოქალაქეებთან, უფრო პასუხისმგებლოანად და გონივრულად უნდა გადავდგათ ნაბიჯები და ფრთხილად. თუმცა დღეს შესაძლებლობა გვაქვს, რომ დავიწყოთ ამაზე მსჯელობა", — აღნიშნა გახარიამ.