"საბოლოოდ მარცხს მივყავართ კარგი რაღაცისკენ, მაგრამ ისინი ტოვებენ თავის კვალს," - ჯენ შარპე, Fuckup Nights მელბურნი.

27 იანვარს, 20:00 საათზე, 2021 წლის პირველი „Fuckup Nights საქართველო“ გაიმართება. როგორც ყოველთვის, საინტერესო სპიკერები საკუთარ პროფესიულ მარცხის ისტორიებს ფართო აუდიტორიას გაუზიარებენ. Tbilisi Startup Bureau-სა და Impact Hub Tbilisi-ის მასპინძლობით ღონისძიება უკვე ოცდამეშვიდედტარდება. მიმდინარე მოვლენების გათვალისწინებით, შეხვედრა ისევ ონლაინ ჩატარდება და დასწრება zoom პლატფორმისა და Fuckup Nights-ის ოფიციალური Facebook გვერდის საშუალებით იქნება შესაძლებელი.

ფოტო: Fuckup Nights Tbilisi

"ვცდილობთ, რომ კარანტინშიც მივცეთ ადამიანებს შესაძლებლობა, რომ დრო საინტერესოდ და ნაყოფიერად გაატარონ. ვაგრძელებთ პროფესიული მარცხის ისტორიების განსხვავებული კუთხით წარმოჩენას და ვცდილობთ დავანახოთ ჩვენს მსმენელებს, რომ მარცხი ცოდნის ნაწილი და ღირებული გამოცდილებაა, რომელზეც ღირს ხმამაღლა საუბარი," - აღნიშნავენ ორგანიზატორები.

ფოტო: Fuckup Nights Tbilisi

Fuckup Nights საქართველო კარანტინში vol. 6 სპიკერები არიან ადამიანები, რომლებიც არ დანებდნენ, ისწავლეს, გააგრძელეს მოძრაობა, განვითარდნენ და მზად არიან საკუთარი გამოცდილება სხვებს გაუზიარონ:

  • მარტა ბარამიძე - დილის რუბრიკის ავტორი და კულინარიული გადაცემის პროდუსერი;
  • პაატა ღაძაძე - თიბისი დაზღვევის გენერალური დირექტორი და ანტრეპრენერი;
  • თეონა ჩაჩუა - ანტრეპრენერი / ვლოგერი;
  • გიორგი შარაშიძე - Entrepreneur Georgia-ს მთავარი რედაქტორი და ანტრეპრენერი.

ფოტო: Fuckup Nights Tbilisi

ფოტო: Fuckup Nights Tbilisi

ღონისძიების მოდერატორია ქეთი ბოჯგუა, ქეთი ჟურნალისტია, კომუნიკაციების პროფესიონალი 15-წლიანი გამოცდილებით მედიაში, საზოგადოებასთან ურთიერთობასა და მენჯმენტში. ქეთი არის დამფუძნებელი და თავმჯდომარე ქართულ არასამთავრობო ორგანიზაციაში "დემოკრატიის ლაბორატორია", რომლის მთავარ ფოკუსს ახალგაზრდები, არაფორმალური განათლება და ინოვაციები წარმოადგენს.

ფოტო: Fuckup Nights Tbilisi

მომხსენებლების შესახებ უფრო დეტალური ინფორმაცია შეგიძლიათ იხილოთ Facebook Event-ზე.

Fuckup Nights საქართველო vol. 6-ზე დასწრება თავისუფალია ყველა მსურველისთვის, თუმცა საჭიროა დააჭიროთ ღილაკ დასწრებას (Going) Facebook Event-ზე.

Fuckup Nights მოძრაობა 2012 წელს დაიწყო მექსიკაში და დღეისათვის უკვე მთელი მსოფლიოს მასშტაბით 90 ქვეყანასა და 320 ქალაქში მიმდინარეობს. ეს არის გლობალური მოძრაობა და ღონისძიებების სერია, სადაც 4 წარმატებული ადამიანი საკუთარ პროფესიულ მარცხის ისტორიებს ფართო აუდიტორიას უზიარებს.

Fuckup Nights Tbilisi ორგანიზებულია Tbilisi Startup Bureau-სა და Impact Hub Tbilisi-ის პარტნიორობით.