თუ შენი დღეც და ღამეც მუსიკით იწყება, სახლს ყურსასმენების გარეშე ვერ ტოვებ და ყველა სიტუაციაზე გახსენდება ერთი სიმღერა მაინც - On.ge-ის ახალი Instagram-თამაში ზუუუსტად შენთვისაა.

რა თამაშია?

მონიშნე მუსიკა ინსტაგრამის ე.წ. game ფილტრი (ანუ გასართობი ფილტრია), რომელიც სხვადასხვა მუსიკალურ დავალებებს გაძლევს, რომელთა მიხედვითაც სიმღერა უნდა გაიხსენო და მონიშნო. ფილტრი On.ge-იმ AR სტარტაპ — AR Geek-თან თანამშრომლობით მოამზადა.

სთორის გადაღებას დაიწყებ თუ არა, შენს თავზე დატრიალდება დავალებების ბურთი და თან გამოჩნდება წარწერა, თუ რა სახის მუსიკალური ნაწარმოების გახსენებას გთავაზობს ფილტრი.

როგორი დავალებები ამოდის?

დავალებები მრავალფეროვანია და შენი გემოვნებით შერჩეული მუსიკის სხვებისთვის გაზიარების შესაძლებლობას გაძლევს. მაგალითად:

  • მონიშნე მუსიკა, რომელიც მგზავრობას უხდება
  • მონიშნე მუსიკა, რომელსაც ქრაშზე ფიქრისას უსმენ
  • მონიშნე მუსიკა, რომელიც შენი სახელის დასერჩვისას პირველი ამოვარდება
  • მონიშნე მუსიკა, რომელშიც ფერია ნახსენები
  • მონიშნე მუსიკა, რომელიც სერიალის საუნდტრეკიც არის
  • მონიშნე მუსიკა, რომლის მოსმენაც გერიდება მაგრამ მაინც გიყვარს

და სხვა...

სად ვიპოვო?

1. ფილტრების საძიებო ველში ფილტრს იპოვი სიტყვებით: On.ge ან მონიშნე მუსიკა.

2. ან შეგიძლია ჩვენს ინსტაგრამ პროფილზე ფილტრების სეგმენტში გადმოხვიდე და ჩვენს სხვა ფილტრებთან ერთად "მონიშნე მუსიკაც" ნახო.

სთორის გადაღების შემდეგ, On.ge-ის ინსტაგრამ გვერდის მონიშვნას თუ არ დაივიწყებ, შესაძლოა ჩვენს სთორებშიც მოხვდე!

გაიგე მეტი ჩვენს წინა ფილტრზე:

"დალიე თუ" — პირველი საახალწლო Instagram-თამაში On.ge-სგან