23 იანვარს რუსეთის 200 ქალაქში ოპოზიციონერი პოლიტიკოსის, ალექსეი ნავალნის მხარდასაჭერი აქციები გაიმართა. დემონსტრანტები საკუთარი პოზიციის გამოსახატად დაბალ ტემპერატურასა და პოლიციის მხრიდან ძალადობას არ უშინდებოდნენ.

რუკაზე დატანილი აქციები აჩვენებს, რამდენად მასშტაბური იყო პროტესტის ტალღა: ვლადივოსტოკიდან კალინინგრადამდე (დისტანცია 10 000 კილომეტრია), ციმბირიდან სოჭამდე.

ალექსეი ნავალნი 2020 წლის აგვისტოში მოწამლეს, რის შემდეგაც ის გერმანიაში ცხოვრობდა. პოლიტიკოსი აგვისტოში ტომსკი-მოსკოვის რეისზე შეუძლოდ გახდა, რის გამოც თვითმფრინავი სასწრაფოდ დაუშვეს. თავდაპირველად ის ომსკის კლინიკაში მკურნალობდა, თუმცა ორი დღის შემდეგ, ოჯახის მოთხოვნით გერმანიაში, შარიტეს კლინიკაში გადაიყვანეს. რამდენიმე ქვეყნის ლაბორატორიამ დაადასტურა, რომ ოპოზიციონერი ნოვიჩოკის ჯგუფის საწამლავით მოწამლეს. ნავალნი საკუთარი მკვლელობის მცდელობის გამოძიებაში აქტიურად იყო ჩართული საგამოძიებო გამოცემა Bellingcat-თან ერთად. გახმაურებულ ზარში მან FSB-ს აგენტს დაურეკა და მისგან აღიარება მოიპოვა.

17 იანვარს ალექსეი ნავალნი რუსეთში დაბრუნების შემდეგ აეროპორტში დააკავეს.

ფოტო: Donat Sorokin / Donat Sorokin/TASS

აქციების თრექინგის პლატფორმის, OVD-INFO-ს მონაცემებით, დაკავებულია 3500-ზე მეტი ადამიანი, მათ შორის, 16 ჟურნალისტი. ეს ბოლო 4 წლის განმავლობაში რეკორდული რაოდენობაა.

ციმბირში ადამიანები -50 გრადუსში იდგნენ აქციაზე

ირკუცკში ათასობით ადამიანი გამოვიდა ქუჩაში

ადამიანები შეიკრიბნენ კრემლისკენ მიმავალ ქუჩებზე, ტროტუარებზე

პეტერბურგში მარში გაიმართა

მოსკოვში აქციის მონაწილეებმა პოლიციას გუნდები დაუშინეს

პოლიციამ ხალხის გასაკონტროლებლად ძალის გამოყენება დაიწყო. ერთ-ერთ ვიდეოში ჩანს, როგორ ურტყამს ფორმაში ჩაცმული თანამშრომელი ქალს წიხლს მუცელში.

კიდევ ერთ ვიდეოში პოლიცია პატარა ბავშვს აყენებს შეურაცხოფას, ხალხი კი ძალადობის შეწყვეტას ითხოვს.

ერთ-ერთმა ჟურნალისტმა, რომელიც დაიჭირეს, გადაიღო, როგორ სცემდა პოლიცია დაკავებულებს ავტობუსში.

კიდევ ერთ ვიდეოში ჩანს, როგორ ექცევა ორი პოლიციელი დაკავებულს.

ნავალნის ორგანიზაციის განცხადებით, მათ განწყობაზე პოლიციის მხრიდან ძალადობა გავლენას ვერ მოახდენს:

"ეს პირველი ნაბიჯია გამარჯვებისკენ გზაზე", — დაწერა ანტიკორუფციულმა ორგანიზაციამ, — "შევხვდებით ერთ კვირაში".