რუსეთის სხვადასხვა ქალაქში ნავალნის მხარდასაჭერ აქციებზე 1 800-ზე მეტი მოქალაქე დააკავეს. როგორც ადგილობრივი გამოცემები წერენ, განსაკუთრებით ბევრი მომიტინგეა გასული მოსკოვისა და სანქტ-პეტერბურგის ქუჩებში.

აქცია არასანქცირებულია, რის გამოც პოლიცია მომიტინგეებს ძალის გამოყენებით შლის და აკავებს. დაკავებულებს შორის იყო ნავალნის ცოლი, იულია ნავალნი, რომელიც ახლა თავისუფალია.

უცნობია რამდენი დაშავებულია სამოქალაქო პირებს შორის, თუმცა სახელისუფლებო მედიასაშუალებები წერენ, რომ 40-მდე სამართალდამცავი დაშავდა.

ერთ-ერთ ვიდეოში ჩანს, რომ ე.წ. ომონის წარმომადგენელბი მომიტინგე ქალს მუცელში ფეხს ურტყამს. დაშავებული საავადმყოფოში გადაიყვანეს.

საპროტესტო აქცია რუსეთის 50-ზე მეტ ქალაქში გაიმართა, მათ შორის შორეულ აღმოსავლეთსა და ციმბირში.

ამჟამად მოქალაქეები ქუჩაში მოსკოვსა და სანქტ-პეტერბურგში არიან გამოსულები.

ფოტო: Meduza

ფოტო: Meduza

ფოტო: Meduza