დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, 3 ახალი ტიპის ჯგუფიდან, რომლებიც Covid-19-ის ტესტირების პროცესში ჩაერთვნენ ყველაზე მეტი დადებითობის მაჩვენებლით, 1,5%-ით, რელიგიურ მსახურთა ჯგუფი ლიდერობს. კონკრეტულად, 4 231 პირიდან კორონავირუსი 62-ს დაუდასტურდა, შემდეგ მოდის ბაზრობებზე დასაქმებული ადამიანები 1%-იანი მაჩვენებლით, გამოკვლეულია 5 035 მოვაჭრე. მესამე, ახალი ტიპის ტაქსის მძღოლების მაჩვენებელი შედარებით დაბალი, 9 222 პირის 0,7%-ია — 67 ინფიცირებულით.

"0,7% არ არის მაღალი გავრცელება ტაქსის მძღოლებში". რელიგიის მსახურებში გვაქვს ცოტა მეტი 1,5%, — განაცხადა ამირან გამყრელიძემ.

22 იანვრის მონაცემებით, საქართველოში კორონავირუსის 903 ახალი შემთხვევა დადასტურდა, გამოჯანმრთელდა 636 ადამიანი, ხოლო გარდაიცვალა — 24.

ბოლო 24 საათში ქვეყნის მასშტაბით ჩატარდა 14 827 კვლევა ტესტით, მათ შორის 7 997 კვლევა ანტიგენის და 6 830 PCR ტესტით.