იუსტიციის ყოფილი მინისტრის, თეა წულუკიანის განცხადებით, მისთვის მშვიდად, სახლში წასვლის მდგომარეობა მაშინ დადგება, როცა ნაციონალური მოძრაობის უკან დაბრუნების რისკი ნულთან ახლოს იქნება. ამის შესახებ მან პირველი არხის ეთერში ისაუბრა.

"თუ გინდათ რადიკალად შემრაცხეთ, როგორც კი დავინახავ, რომ ნაციონალური მოძრაობის და მისი გადმონაშთების უკან დაბრუნების რისკი არის ნულთან ახლოს, მაშინ ჩავთვლი, რომ საქმე აღარ მაქვს პოლიტიკაში. იმასაც გეტყვით, რომ ახლა რა პროცესებიც მიმდინარეობს, ჩემი თავი დამიჭერია და მიფიქრია, ხომ არ დგება ნელ-ნელა ეს დრო?", — განაცხადა წულუკიანმა.

მისი თქმით, არა მხოლოდ მას, არამედ გუნდში ბევრს სურს, რომ დადგეს დრო, როცა ქართული ოცნება ოპოზიციაში იქნება. წულუკიანის განცხადებით, ისინი "სკამებზე ჩაბღაუჯებულები" არ არია და თუმცა, გვარებს არ ასახელებს, ამბობს, რომ პარტიაში ბევრია ვინც იმავეს ფიქრობს.