ლელოს თავმჯდომარის, მამუკა ხაზარაძის განცხადებით, უახლოეს მომავალში არანაირი მესამე პოლიტიკური ცენტრის შექმნა არ განიხილება.

"არანაირი მესამე ცენტრი და სიტყვა მესამე საერთოდ არ მომწონს, საერთოდ, მე მგონი, ეს ჩვენ არ გვეხება. ის, რომ ჩვენ ვსაუბრობთ და არამარტო სხვადასხვა პარტიასთან, არ ნიშნავს, რომ ჩვენ რაღაცა გადაწყვეტილება მივიღეთ. ეს არ შეესაბამება სიმართლეს. უახლოეს ხანში მსგავსი რამ არ იხილება. თუ იმას გულისხმობთ, რომ ოპოზიციურ ერთობაში საუბრები მიდის და რაღაცა პოზიციების შეჯერება, ეს არ ნიშნავს არც გაერთიანებას, არც რაღაც ერთი ორგანიზაციის ჩამოყალიბებას", — განაცხადა ხაზარაძემ რუსთავი 2-ის ეთერში.

ბოლო პერიოდში ვრცელდებოდა ინფორმაცია იმაზე, რომ ოპოზიციის შიგნით რამდენიმე პოლიტიკური ძალა გაერთიანებაზე მსჯელობდა. ასევე, სტრატეგია აღმაშენებლის ლიდერმა, გიორგი ვაშაძემ, ერთიანი ნაციონალური მოძრაობის გარეშე ახალი პოლიტიკური ცენტრის შექმნა დააანონსა.