ევროპული საქართველოს ერთ-ერთი ლიდერის, აკაკი ბობოხიძის განცხადებით, ოპოზიცია ებრძვის არა ბიძინა ივანიშვილს, როგორც ინდივიდს, არამედ მის მიერ შექმნილ პოლიტიკურ სისტემას. ბობოხიძის თქმით, იმის მიუხედავად, ივანიშვილი მართლა წავა თუ არა პოლიტიკიდან, ოპოზიციის ამოცანა — სისტემის დემონტაჟი — უცვლელი რჩება.

"ჩვენ არ ვებრძოდით ბიძინა ივანიშვილს, როგორც ინდივიდს და როგორც ერთ, კერძო კაცს. ჩვენ ბიძინა ივანიშვილის ვებრძვით როგორც პოლიტიკურ მოვლენას და ბიძინა ივანიშვილი მართლა წავა თუ არა, მის მიერ შექმნილი სისტემა რჩება და ამ სისტემის დემონტაჟი აუცილებელია.

ასე რომ, ამოცანები პოლიტიკური ოპოზიციისათვის, ჩემი აზრით, არ იცვლება — ბიძინა ივანიშვილი, როგორც პოლიტიკური მოვლენა, უნდა დამარცხდეს სისტემის დამარცხების სახით. ოღონდ, თუ ბიძინა ივანიშვილი მართლა წავა, ეს უბრალოდ ამოცანებს გაგვიმარტივებს", — განაცხადა აკაკი ბობოხიძემ.

პოლიტიკაში მეორედ მოსვლის შემდეგ ქართული ოცნების თავმჯდომარე, ბიძინა ივანიშვილი ამბობს, რომ პოლიტიკიდან მეორედ მიდის. ამის შესახებ მან ფეისბუქში გამოქვეყნებულ საჯარო წერილში განაცხადა. მმართველი პარტიის ყრილობა შაბათს, 16 იანვარს გაიმართება, სადაც ქართული ოცნების ახალ თავმჯდომარეს აირჩევენ. პარტიამ ამ პოსტზე ირაკლი კობახიძის კანდიდატურა წარადგინა.

გაიგეთ მეტი: