ინფექციური პათოლოგიისა და შიდსის ცენტრის გენერალური დირექტორის, თენგიზ ცერცვაძის განცხადებით, ქვეყანაში ორი ვაქცინის შემოტანა განიხილება — ასტრა ზენეკა და ერთ-ერთი ჩინური ვაქცინა.

"ლაპარაკია ორი ვაქცინის შემოტანაზე ჩვენთან — ასტრა ზენეკასი და ერთ-ერთი ჩინურის. ჩინეთს აქვს ხუთი ვაქცინა და ერთ-ერთზე არის ლაპარაკი. მინდა გითხრათ, რომ მსოფლიოში ჩინური ვაქცინის რეიტინგი საკმაოდ მაღალია", — განაცხადა ცერცვაძემ ფორმულას ეთერში.

მისი თქმით, კორონავირუსი ჩინეთში გაჩნდა და შესაბამისად, ჩინელებმა ყველაზე უკეთ იციან მისი სტრუქტურა და თავისებურებები. ცერცვაძე არ გამორიცხავს, რომ ჩინურმა ვაქცინამ აჯობოს სხვა ყველა ვაქცინას.

"ჩინურ ვაქცინას მაღალი ნდობა აქვს. სხვა თუ არაფერი, იქ გაჩნდა ეს ინფექცია და მათ ყველაზე კარგად იციან ამ ვირუსის სტრუქტურა და მისი თავისებურებები. სულ არ გამიკვირდება, რომ ჩინურმა ვაქცინამ ყველას აჯობოს. იმიტომ, რომ მათ ამისთვის ბევრი დრო ჰქონდათ. იმასაც ამბობენ, რომ მათ წინასწარ იცოდნენ ამ ვირუსის არსებობა და დიდი ხანია ვაქცინაზე მუშაობდნენ. ასე რომ, ჩინური ვაქცინა ხელწამოსაკრავი არ იქნება", — განაცხადებს თენგიზ ცერცვაძემ ფორმულასთან.

8 იანვარს ჯანდაცვის მინისტრმა, ეკატერინე ტიკარაძემ განაცხადა, რომ შესაძლოა თებერვალში კოვაქს პლატფორმამ მოგვაწოდოს ვაქცინის გარკვეული დოზა, რომელიც რისკ ჯგუფებზე გადანაწილდება.

გაიგეთ მეტი: