"ეს გამაღიზიანებელი და სულისშემძვრელი სანახაობაა. ასე არჩევნების შედეგებს ბანანის რესპუბლიკაში აპროტესტებენ და არა ჩვენ დემოკრატიულ რესპუბლიკაში", — ამ ფორმით გამოეხმარა კაპიტოლიუმთან განვითარებულ მოვლენებს აშშ-ის ყოფილი პრეზიდენტი, ჯორჯ ბუში.

ბუში წერს, რომ კაპიტოლიუმზე თავდასხმა იმ ადამიანებმა ჩაიდინეს, ვისაც ტყუილი იმედებით ასაზრდოებდნენ. მისი თქმით, გაოგნებულია არჩევნების შემდეგ "ზოგიერთი პოლიტიკური ლიდერის" უპასუხისმგებლო საქციელით, ინსტიტუტების და ტრადიციების უპატივცემულობით.

ვაშინგტონში, კაპიტოლიუმთან მიმდინარე ტრამპის მხარდამჭერების აქცია დაპირისპირებაში გადაიზარდა. დემონსტრანტებმა ბარიერი გაარღვიეს და შენობაში შეიჭრნენ. კონგრესში ევაკუაცია გამოცხადდა, ქალაქში კი კომენდანტის საათი.

შეწყდა სხდომა, რომელზეც არჩევნების შედეგები უნდა დაემტკიცებინათ. სწორედ ამას აპროტესტებდნენ ტრამპის მხარდამჭერები, რადგან მოქმედ პრეზიდენტს სჯერა, რომ მან გაიმარჯვა და არჩევნები გაყალბდა.

ამ ეტაპზე ვრცელდება ინფორმაცია ერთ დაჭრილ მოქალაქესა და რამდენიმე დაშავებულ პოლიციელზე.

გაიგეთ მეტი: