ჯანდაცვის მინისტრის მოადგილის, თამარ გაბუნიას ინფორმაციით, ქვეყნის მასშტაბით 2900 თავისუფალი საწოლია.

"საწოლფონდის რაოდენობა მნიშველოვნად განიტვირთა ამ პერიოდის განმავლობაში და 2900 საწოლი არის თავისუფალი, მთელი ქვეყნის მასშტაბით. გარკვეული საწოლები დაუბრუნდა მრავალპროფილური სერვისების მიწოდებას, განსაკუთრებით აჭარაში", — განაცხადა გაბუნიამ.

იგი საუბრობს კლინიკებში მყოფი პაციენტების მდგომარეობაზეც.

"დღეს დილის მდგომარეობით კლინიკებში რჩება 4034 პაციენტი. 160 პაციენტი იმყოფება ტრიაჟის პროცესში, ანუ დიაგნოზი ჯერჯერობით დადასტურებული არ აქვს. ინტენსიური თერაპიის განყოფილებაში არის 897 პაციენტი და 286 პაციენტი იმყოფება რეანიმაციულ განყოფილებაში და სჭირდებათ ფილტვის ხელოვნური ვენტილაცია", — განაცხადა თამარ გაბუნიამ.

დღეს, 5 იანვრის, მონაცემებით, საქართველოში კორონავირუსის 2 316 ახალი შემთხვევა დადასტურდა, გამოჯანმრთელდა — 382, ხოლო გარდაიცვალა — 18.

გაიგეთ მეტი: