13 ვარ — ახალი ქართული სტარტაპი, რომელიც ორმა მეგობარმა დააარსა

13 ვარ — ეს არის ახალი ქართული სტარტაპი, რომელიც ორმა მეგობარმა
დააარსა.

კომპანია 13 ვარ გთავაზობთ სიყვარულით დამზადებულ სხვადასხვა სახის პროდუქციას: შიდა და გარე ყინვაგამძლე დეკორატიულ აბრებს, ჭიქის და მაგიდის დასადებ კომპლექტებს და მრავალ სხვა ნივთს.

"რატომ ცამეტი?! ზოგადად რიცხვი 13 ადამიანთა უმრავლესობისთვის თარს რიცხვად აღიქმება, ჩემს შემთხვევაში კი, მხოლოდ იღბალი მოჰქონდა, ყველაფერი კარგი სწორედ 13 რიცხვთან იყო დაკავშირებული", — აცხადებს საკო, კომპანიის ერთ-ერთი დამფუძნებელი — "ბოლოს თათაც გავაცამეტე".

საკო გრაფიკული დიზაინერია. 13 ვარ-ის იდეა გაჩნდა სწორედ მაშინ, როცა საკომ საკუთარი ვერანდისთვის დაამზადა აბრის დიზაინი "საკოსთან ვერანდაზე", რომელმაც ძალიან დიდი მოწონება დაიმსახურა.

"ამას მოჰყვა "ბუსების ვერანდა" ჩემი სახლისთვის და მსგავსი აბრების დიზაინი ჩვენი სამეგობროსთვისაც".

"სწორედ აქედან გაჩნდა იდეა, შექმნილიყო კომპანია 13 ვარ, რომელიც ნებისმიერი ადამიანის სახლის ინტერიერს და ექსტერიერს გაალამაზებს", — ამბობს თათა.

"13 ვარ შენთვის! — ეს ჩვენი სლოგანია. კომპანია ამზადებს სხვადასხვა სახის დიზაინს, შენ კი თავად არჩევ შენთვის სასურველ ტექსტს და ზომას. ჩვენ მას მოგარმევთ სასურველ ადგილას, რაც პანდემიის პირობებში, დამეთანხმებით, ძალიან მოსახერხებელია", — მოგიწოდებენ დამაარსებლები.

გამოიწერეთ და ადევნეთ თვალყური სტარტაპს 13 ვარ Facebook-სა და ინსტაგრამზე: @13var_

ბოლო ამბები:

გირჩევთ