უკვე ცნობილია რომ Eurovision Song Contest 2017-ზე საქართველოს თაკო გაჩეჩილაძე წარადგენს, სიმღერით KEEP THE FAITH.

ეროვნული ფინალიდან არც ისე დიდი ხნის შემდეგ კი რუსული პრესა ქართველი მომღერლის ანტირუსულ პროვოკაციაზე საუბრობს: "რუსეთს არ გაუმართლა, რადგან ქართველი მომღერალი „ევროვიზიაზე“ ანტირუსულ პროვოკაციას ამზადებს."

რუსული ონლაინგამოცემა novostivmire.com ასევე წერს, რომ თაკო გაჩეჩილაძე უკვე მეორედ ცდილობს მსგავსი პროვოკაციის მოწყობას და ანტირუსული სიმღერის აჟღერებას ევროვიზიის 300 მილიონიანი აუდიტორიის წინაშე. პირველად ეს 2009 წელს მოხდა, როცა სტეფანე და 3G, სიმღერით We don’t wanna Put In, ქართველი მსმენელის ფავორიტი გახდა, თუმცა მაშინ კონკურსის ორგანიზატორებმა სიმღერა დაბლოკეს.

შეგახსენებთ, ევროვიზიის რიგით 62-ე კონკურსი Eurovision Song Contest 2017 უკრაინის დედაქალაქ კიევში გაიმართება. 9 და 11 მაისს ნახევარფინალებს, ხოლო 13 მაისს ფინალური კონცერტს ვიხილავთ.