რუსეთის უსაფრთხოების ფედერალურ სამსახურში, FBS-ში აცხადებენ, რომ ოპოზიციონერი ალექსეი ნავალნის გამოძიება მის მოწამვლასთან დაკავშირებით პროვოკაციაა, რომელიც უცხოური სპეცსამსახურების მიერაა მხარდაჭერილი. რუსული სამსახურის განცხადებას გამოცემა TASS ავრცელებს.

როგორც უწყებაში ამბობენ, ესაა პროვოკაცია, რომელიც უსაფრთხოების სამსახურისა და მისი თანამშრომლების დიკრედიტაციას ისახავს მიზნად. გარდა ამისა, ისინი ყალბს უწოდებენ ნავალნის სატელეფონო საუბარს "FBS-ს" ერთ-ერთ თანამშრომელთან.

რამდენიმე მსხვილი გამოცემის ჟურნალისტური გამოძიების თანახმად, აგვისტოში ოპოზიციონერის მოწამვლა FSB-ს თანამშრომლებმა სცადეს. გარდა ამისა, 21 დეკემბერს ნავალნიმ FSB-ს ერთ-ერთ თანამშრომელთან, კონსტანტინ კუდრიავცევს სატელეფონო საუბრის ჩანაწერიც გაასაჯაროვა. ჟურნალისტური გამოძიების თანახმად, კუდრიავცევი ნავალნის ლიკვიდაციის ოპერაციაში მონაწილეობნდა.

ნავალნი აცხადებს, რომ FSB-ს თანამშრომელს სპეციალური აპლიკაციით დაუკაშირდა, რომელმაც მისი ნომერი დაფარა. ჩანაწერიდან ჩანს, რომ ნავალნი კუდრიავცევს ერთ-ერთი მაღალჩინოსნის თანაშემწედ გაეცო, რომელიც პატაკს ადგენდა. სატელეფონო საუბრისას ისმის, რომ კუდრიავცევმა აღიარა ოპერაციაში მონაწილეობდა, თუმცა აღნიშნავდა, რომ მას ნავალნის ტანსაცმლიდან საწამლავის კვალი გაქრობა ევალებოდა.