ჯანდაცვის მინისტრობის კანდიდატის, ეკატერინე ტიკარაძის თქმით, 2020 წლის იდენტური პერიოდისთვის დავალიანება იქნება არა უმეტეს 160 მილიონი ლარისა. რაც იმას ნიშნავს, რომ ერთი წლის მანძილზე კლინიკების მიმართ საყოველთაო ჯანდაცვის პროგრამის დავალიანება 200 მილიონი ლარით შემცირდა. ამის შესახებ მან გაერთიანებული კომიტეტების სხდომაზე სიტყვით გამოსვლისას განაცხადა.

"2019 წლის 31 დეკემბრის მდგომარეობით, კლინიკების მიმართ საყოველთაო ჯანდაცვის პროგრამების ჯამური დავალიანება შეადგენდა 361 მილიონ ლარს. 2020 წლის იდენტური პერიოდისთვის დავალიანება იქნება არა უმეტეს 160 მილიონი ლარისა. რაც იმას ნიშნავს, რომ ერთი წლის მანძილზე კლინიკების მიმართ საყოველთაო ჯანდაცვის პროგრამის დავალიანება 200 მილიონი ლარით შემცირდა. გარდა ამისა, მივიღეთ გადაწყვეტილება, რომ დაწესებულებებს ფინანსური მდგრადობის შენარჩუნებისთვის მათი ერთი თვის ვალდებულება წინასწარ გადავუხადოთ", — ამბობს ტიკარაძე.

ტიკარაძემ, ასევე, აღნიშნა, რომ ჯანმთელობის ეროვნულმა სააგენტომ შეძლო ადმინისტრირების მოწესრიგება, რომ უკვე დავძლიეთ არაერთი გამოწვევა.