საქართველოს ინფრასტრუქტურის მინისტრის, მაია ცქიტიშვილის განცხადებით, გოჩა ლორთქიფანიძე იქამდე გააგრძელებს იუსტიციის მინისტრის მოვალეობის შესრულებას, სანამ ოფიციალურად არ დაინიშნება ჰააგაში.

"შეასრულებს თავის მოვალეობებს. არაფერი არ იცვლება წარმოდგენილ მთავრობის შემადგენლობაში ვინაიდან, ის არჩეული იქნა მოსამართლის პოზიციაზე, თუმცა მისი აქ დანიშნვნა მოხდება მას შემდეგ, რაც მისი წინამორბედი დატოვებს ამ პოზიციას. შესაბამისად, რამდენიმე თვის განმავლობაში ბატონი გოჩა შეასრულებს ამ მოვალეობას, შესაბამისად, ნაადრევია რაიმე კანდიდატურაზე საუბარი. ვერც დაგიდასტურებთ, ვერც ვუარყოფ", — აცხადებს ცქიტიშვილი.

საქართველოს იუსტიციის მინისტრის ყოფილი მოადგილე და ახლა უკვე მინისტრად წარდგენილი გოჩა ლორთქიფანიძე ჰააგაში სისხლის სამართლის საერთაშორისო სასამართლოს მოსამართლედ აირჩიეს.