იუსტიციის საბჭოს ყოფილი წევრი და მოძრაობა ხალხისთვის ლიდერი, ანა დოლიძე აცხადებს, რომ გოჩა ლორთქიფანიძე, რომელიც საერთაშორისო სასამართლოს მოსამართლედ აირჩიეს, პარალელურად იუსტიციის მინისტრი ვერ იქნება.

"თუ გოჩა ლორთქიფანიძე დათანხმდება, ბუნებრივია, "ოცნებას" მოუწევს ახალი კანდიდატის ძებნა იუსტიციის მინისტრის პოსტზე", — განაცხადა მან.

On.ge ცდილობს მთავრობის პრესსამსახურთან დაკავშირებას, მათ პასუხს მიღებისთანავე შემოგთავაზებთ.

იუსტიციის მინისტრის მოვალეობის შემსრულებელი და ამავე უწყების მინისტრობის კანდიდატი, გოჩა ლორთქიფანიძე სისხლის სამართლის საერთაშორისო სასამართლოს (ICC) მოსამართლედ აირჩიეს 2021-2030 წლების ვადით.

საქართველოს პარლამენტს პრემიერმინისტრმა, გიორგი გახარიამ მთავრობის შემადგენლობის ახალი სია წარუდგინა. ამის თანახმად, საქართველოს იუსტიციის მინისტრი გოჩა ლორთქიფანიძე იქნება. ლორთქიფანიძე 2012 წლიდან იუსტიციის მინისტრის მოადგილე იყო.