საქართველოს პარლამენტს პრემიერმინისტრმა, გიორგი გახარიამ მთავრობის შემადგენლობის ახალი სია წარუდგინა. ამის თანახმად, საქართველოს იუსტიციის მინისტრი გოჩა ლორთქიფანიძე იქნება. ლორთქიფანიძე 2012 წლიდან იუსტიციის მინისტრის მოადგილე იყო.

იუსტიციის ყოფილმა მინისტრმა, თეა წულუკიანმა აღნიშნული თანამდებობა 29 სექტემბერს დატოვა. მეათე მოწვევის პარლამენტში იგი განათლების, მეცნიერებისა და კულტურის კომიტეტის თავმჯდომარედ აირჩიეს.

რაც შეეხება მინისტრთა კაბინეტის სხვა წევრებს, გახარიას გადაწყვეტულებით, იუსტიციის მინისტრის გარდა, თანამდებობაზე არავინ იცვლება. შესაბამისად, მინისტრები იქნებაინ:

  • პრემიერმინისტრი — გიორგი გახარია;
  • განათლების, მეცნიერების, კულტურისა და სპორტი მინისტრი — მიხეილ ჩხენკელი;
  • გარემოს დაცვისა და სოფლის მეურნეობის მინისტრი —- ლევან დავითაშვილი;
  • ეკონომიკისა და მდგრადი განვითარების მინისტრი — ნათელა თურნავა;
  • თავდაცვის მინისტრი — ირაკლი ღარიბაშვილი;
  • იუსტიციის მინისტრი — გოჩა ლორთქიფანიძე;
  • ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი — ეკატერინე ტიკარაძე;
  • რეგიონული განვითარებისა და ინფრასტრუქტურის მინისტრი —- მაია ცქიტიშვილი;
  • საგარეო საქმეთა მინისტრი — დავით ზალკალიანი;
  • ფინანსთა მინისტრი — ივანე მაჭავარიანი;
  • შინაგან საქმეთა მინისტრი — ვახტანგ გომელაური;
  • შერიგებისა და სამოქალაქო თანასწორობის საკითხებში სახელმწიფო მინისტრი — თეა ახვლედიანი.

სამთავრობო პროგრამის შესახებ მთავრობის ადმინისრაციაში კი აცხადებენ, რომ ძირითადი მიზანი იქნება პანდემიით შექმნილი კრიზისის დაძლევა, ეკონომიკის სწრაფი აღდგენა-განვითარება, თითოეული მოქალაქისათვის სტაბილური და უსაფრთხო გარემოს შექმნა, ასევე, სტრუქტურული რეფორმების გაგრძელება.

მათივე ინფორმაციით, მთავრობის ძალისხმევა მიმართული იქნება შემდეგ ოთხ საკვანძო მიმართულებაზე:

  • საგარეო პოლიტიკა, უსაფრთხოება, კონფლიქტის მოგვარება და ადამიანის უფლებები;
  • ეკონომიკური განვითარება;
  • სოციალური პოლიტიკა და ადამიანური კაპიტალის განვითარება;
  • სახელმწიფო მმართველობა.

მინისტრობის კანდიდატებს ერთპარტიულ პარლამენტში მომავალ კვირას მოუსმენენ. სწორედ ამის შემდეგ უნდა დაამტკიცოს ქართული ოცნების გუნდმა ქართული ოცნებისვე მინისტრები.