შსს-ს ინფორმაციით, დიდი ოდენობით ნარკოტიკული საშუალების უკანონო შეძენა-შენახვისა და საქართველოში უკანონოდ შემოტანის ფაქტზე ერთი პირი სარფში დააკავეს.

უწყების ცნობით, სამართალდამცავებმა დაკავებულის პირადი ჩხრეკისას ნარკოტიკული საშუალების 10 აბი და აბის ნატეხი ამოიღეს, რომელიც 1,8975 გრ მდმა-ს (3,4-მეთილენდიოქსიმეტამფეტამინს) შეიცავს. ასევე ამოიღეს 0,14319 გრ კოკაინის შემცველი 0,2471 გრ ნარკოტიკიც.

შსს-ს განცხადებით, გამოძიება სისხლის სამართლის კოდექსის 260-ე მუხლის მე-2 ნაწილის ა ქვეპუნქტითა და 262-ე მუხლის მე-4 ნაწილის ა ქვეპუნქტით დაიწყო, რაც დიდი ოდენობით ნარკოტიკული საშუალების უკანონო შეძენა-შენახვასა და განსაკუთრებით დიდი ოდენობით ნარკოტიკული საშუალების საქართველოში უკანონოდ შემოტანას გულისხმობს.