აშშ-ში, ალასკას შტატში მცხოვრები სამედიცინო სფეროს თანამშრომელი, რომელსაც კორონავირუსის საწინააღმდეგო ფაიზერის (Pfizer) ვაქცინაზე მწვავე ალერგია ჰქონდა, თავს უკეთ გრძნობს, მისი მდგომარეობა სტაბილურია. ამის შესახებ ინფორმაცია გამოცემა REUTERS-მა გაავრცელა.

გამოცემის ცნობით, ეს პირველი შემთხვევა არ არის, როცა ფაიზერის ვაქცინა მწვავე უკუჩვენებას იწვევს. ბრიტანეთში ორი მსგავსი შემთხვევა უკვე დაფიქსირდა.

გამოცემის ინფორმაციით, საშუალო ასაკის ადამიანებში ალერგიის სიმტომებს ეპინეფრინით მკურნალობენ. აღსანიშნავია, რომ პაციენტს ანამნეზში ალერგიული რეაქციები არ აღენიშნებოდა.

აშშ-ს სურსათისა და წამლის ადმინისტრაციამ მოუწოდა ხალხს, რომელსაც ალერგია აღენიშნებოდათ, გაიარონ ექიმთან კონსულტაცია და დარწმუნდნენ, რომ ვაქცინის რომელიმე კომპონენტზე ალერგიულები არ არიან.

დაახლოებით, ერთი კვირით ადრე კი დიდი ბრიტანეთის ჯანდაცვის ავტორიტეტებმა მოსახლეობა გააფრთხილეს, რომ ძლიერი ალერგიული რეაქციების კუთხით გამოცდილების ქონის შემთხვევაში, თავი შეიკავონ Pfizer-ისა და BioNTech-ის ერთობლივი ვაქცინით აცრისგან. ამის შესახებ ინფორმაციას Reuters ავრცელებს.