საავტომობილო გზების დეპარარტამენტის ინფორმაციით, მცხეთა-სტეფანწმინდა-ლარსის საავტომობილო გზის 128-ე კილომეტრზე არსებულ აივანზე დაზიანდა გზის სავალი ნაწილი, რის გამოც გზის ამ მონაკვეთზე ყველა სახის ავტოტრანსპორტის მოძრაობა დასაშვებია ცალმხრივ რეჟიმში.

უწყების ცნობით, ამავე გზის 134-ე კმ-სა 135-ე კილომეტრზე ავტოტრანსპორტის მიმოსვლისას იკრძალება მათი გაჩერება. აღნიშნული რეჟიმით მოძრაობა განხორციელდება საპატრულო პოლიციის უშუალო ზედამხედველობით და კოორდინაციით. გზის დანარჩენ მონაკვეთზე ავტოტრანსპორტის მოძრაობა თავისუფალია:

"საავტომობილო გზების დეპარტამენტის წარმომადგენლები ადგილზე არიან მობილიზებულები და მიმდინარეობს ინტენსიური სამუშაოები ავტოტრანსპორტის მოძრაობის ორმხრივ რეჟიმში აღსადგენად".