ევროპული საქართველოს ერთ-ერთი ლიდერის გიგა ბოკერიას თქმით, ალეკო ელისაშვილი ოპოზიციაში აღარ ითვლება და შეუძლია კობახიძესთან ერთად იაროს ელჩებთან შეხვედრაზე.

"ბატონი ელისაშვილი აღარ არის ოპოზიციის ნაწილი, ეს გააფორმა მან თვითონ, ის არის ივანიშვილის რეჟიმის სპიკერი. ჩვენ ელისაშვილს არ დავუძახებთ, მობრძანდეს კობახიძესთან ერთად", — ამბობს ბოკერია.

მე-10 მოწვევის პარლამენტის პირველი სხდომის პარალელურად ბარიერგადალახული ოპოზიციური პარტიებმა მოსწავლე ახალგაზრდობის სასახლის ბაღში შეიკრიბნენ და საპარალამენტო მანდატებზე უარი თქვეს, ამის შესახებ განცხადებას ხელი საჯაროდ მოაწერეს. ოპოზიციური პარტიებიდან ადგილზე არ იყო ალეკო ელისაშვილი, რომელმაც განაცხადა, რომ არც პარლამენტში შედის და არც განცხადებას აწერს ხელს.