თბილისის საკრებულოს ყოფილი წევრი და ამჟამად პარლამენტის დეპუტატი, თამარ ტალიაშვილი ამტკიცებს, რომ მე-10 მოწვევის პარლამენტი საქართველოს ისტორიაში ყველაზე მრავალპარტიულია. ამის შესახებ მან საკანონმდებლო ორგანოში ისაუბრა, სადაც მხლოდ ქართული ოცნების დეპუტატები არიან.

"ეს არათუ ერთპარტიული პარლამენტია, ეს არის საქართველოს ისტორიაში ყველაზე მრავალპარტიული, პლურალისტური პარლამენტი. რაც შეეხება ოპოზიციას, ჩვენ საქმე გვაქვს ხელოვნურად შექმნილ ე.წ. პოლიტიკურ კრიზისთან, ის ეფუძნება სიყალბეს და, აქედან გამომდინარე, მას არ აქვს პერსპექტივა", — განაცხადა ტალიაშვილმა.

დღეს მე-10 მოწვევის პარლამენტი პირველად შეიკრიბა, თუმცა ოპოზიციის გარეშე. ბარიარგადალახულმა ყველა პარტიამ, ამ დროისთვის, საკანონმდებლო ორგანოში შესვლაზე უარი განაცხადა. ისინი არჩევნების შედეგებს გაყალბებულად მიიჩნევენ და არ აღიარებენ.